ހަމަނުޖެހުން ތަކާ ހެދު ކުޅުދުއްފުއްޓާއި ނޮޅިވަރަމް މެޗް ހުއްޓުމަކަށް

މިނިވަން 50 ފުޓްބޯޅަ މުބާރާތްގައި ކުޅުދުއްފުއްޓާއި ނޮޅިވަރަމާއި ބައްދަލުކުރި މެޗުގައި ދެޓީމްގެ ކުޅުންތެރިން ގައިގަ އަތްލައި ހެދުމުން ސަޕޯޓަރުން ދަނޑަށް އެރުމުން މެޗު މެދުކަނޑާލައިފި އެވެ.

.ރެފްރީ މަޝްވަރާ ކުރުމަށް ފަހު އިއުލާން ކުރީ އަނދިރިވުމުގެ ސަބަބުން މެޗް ކުރިއަށް ނުގެންދެވޭނެ ކަމަށެވެ. ނަމަވެސް ފަހުން މެޗް ހުއްޓާލީ ކަމަށެވެ

ދެން މިމެޗްގައި ކަން ހިނގައި ދިޔަ ގޮތް ބަލާނީ އެފްއޭއެމްގެ ޑިސިޕްލިނަރީ ކޮމިޓީންނެވެ.

މެޗު މެދުކަނޑާލިއިރު ބާކީ އިނީ 4 މިނިޓެވެ. އޭރު 1-0 މެޗް ލީޑްކުރަމުންދަނީ ނޮޅިވަރަމް ޓީމެވެ.

މެޗުގައި ފުރަތަމް ހަމަނުޖެހުން ހިނގީ ކުޅުންތެރީންގެ މެދުގައި އެވެ. ދެޓީމްގެ ކުޅުންތެރިން އަނެއް ޓީމްގެ ކުޅުންތެރިންގެ ގައިގާ އައްލައި ކޮށްޕާ ހެދުމުން، ކުޅުދުއްފުށީ ޓީމްގެ ސަޕޯޓަރުން ދަނޑަށް އެރުމުން މެޗް މެދުކަނޑާލީ އެވެ.

އެއަށް ފަހު ސަޕޯޓަރުންގެ މެދުގައި ހޫނުވެ، ނޮޅިވަރަމް އަންހެން ސަޕޯޓަރުން ތިބި ސަހަރައްދަށް ކުޅުދުއްފުށީ ބައެއް ސަޕޯޓަރުން ގޮސް ވަނީ ހަމަނުޖެހުން ހިންގާފަ އެވެ.

މިއަދުގެ މެޗްގެ ދެވަނަ ހާފް ފެށުނު ތަނާހެން ކުނިކޮށިގައި ބަޔަކު އަލިފާން ރޯކޮށްލުމުގެ ސަބަބުން ދުމުގެ އަސަރު ވަރަށް ބޮޑަށް މެޗަށް ކޮށްފައިވާކަން ފާހަގަކުރެވެ އެވެ.

މުބާރާތްގެ ދެ ވަނަ މެޗް ކުޅޭނީ އަންނަ ހުކުރު ދުވަހު ނޮޅިވަރަމް ބޯޅަ ދަނޑުގަ އެވެ.