އިނގިރޭސިވިލާތުގެ އިލްމުވެރިއެއް ކަމަށްވާ ޕްރޮފެސަރު މުންތާރު އިލްހާމްގެ ދަރުސްތަކެއް ހދ. އަތޮޅުގައި ފަށައިފި އެވެ.
އެގޮތުން މިދަރުސް ދިނުމަށް ހަމަޖެހިފައިވަނީ ހދ އަތޮޅުގެ 3 ރަށެއްގަ އެވެ. އެއީ ކުޅުދުއްފުއްޓާއި ހަނިމާދޫ އާއި ވައިކަރަދޫގަ އެވެ.
ކުޅުދުއްފުށީގެ ސްކޫލުތަކުގެ ދަރިވަރުންނަށް ދަރުސް ދެއްވާފައިވަނީ ރޭގަ އެވެ. މިރޭ ވައިކަރަދޫގައި ސްކޫލުގެ ދަރިވަރުންނަށް ދަރުސް ބާއްވަން ހަމަޖެހިފައިވާއިރު ހަނިމަދޫގައި ދަރުސް ބާއްވަން ހަމަޖެހިފައިވަނީ މާދަމާ ރެ އެވެ.
މިދަރުހަކީ ޖަމިއްޔަތުއް ރަޙުމާ ނަމަކަށް ކިޔާ ޖަމިއްޔާއަކާއި މޯލްޑިވިއަން ޔޫތު ލީގް ނަމަކަށް ކިޔާ ޖަމިއްޔާއަކާއި ގުޅިގެން ކުރިއަށްގެންދާ ޕްރޮގުރާމެކެވެ.
ހދ އަތޮޅުގައި މިޕުރޮގުރާމް ކުރިއަށްގެންދަނީ ހދ އަތޮޅު ކައުންސިލްގެ 3 މެމްބަރު އަމިއްލަގޮތުން ނެވެ. އެއީ ވައިކަރަދޫ ދާއިރާގެ މެމްބަރު ސަޤީފާއި ކުޅުދުއްފުށީ ދާއިރާގެ މެމްބަރު އާތިފްގެ އަދި ހަނިމާދޫގެ ދާއިރާގެ މެމްބަރު ނާސިރެވެ.
ކުޅުދުއްފުށީ ސްކޫލުތަކުގެ ދަރިވަރުންނަށް ބޭއްވި ދަރުހުގެ އިތުރު ޕޮޓޯތައް:
