ކުޅުދުއްފުށީގައި އިންޓަނޭޝަނަލް ޕްރީ ސްކޫލެއް ހުޅުވަނީ

އަންނަ އަހަރު ކުޅުދުއްފުށީގައި މޮންޓަސޫރީ ކަރިކިއުލަމަށް ކިޔަވައިދޭ ޕްރީ ސްކޫލެއް ހުޅުވުމުގެ މަސައްކަތް ކުރިއަށް އެބަދެ އެވެ.

މޮންޓަސޫރީ ކަރިކިއުލަމަކީ ދުނިޔޭގެ މީހުން އުޅޭ ހުރިހާ ބައްރެގައިވެސް ބޭނުން ކުރަމުންދާ ކަރިކިއުލަމެކެވެ. މި ސްކޫލަށް ކިޔުމަށް އިހްތިޔާރުކޮށްފައިވާ ނަމަކީ “ދަ ލީޑިންގ ސްޓެޕްސް އިންޓަނޭޝަނަލް ޕްރީ ސްކޫލް” އެވެ.

ކުޅުދުއްފުށީގައި އަންނަ އަހަރަށް ހުޅުވުމަށް މަސައްކަތް ކުރަމުންދާ އިންޓަނޭޝަނަލް ޕްރީ ސްކޫލާއި ބޭހޭ ގޮތުން އެތަނުގެ މަސްއޫރުވެރިޔާ މަހްދީ ޝާހިދު ވިދާޅުވީ ސްކޫލުގެ ލިޔެކިއުމުގެ 75 އިންސަތައިގެ މަސައްކަތް ނިމިފައިވާ ކަމަށާއި މިހާރު ކުރިއަށްދަނީ ރެޖިސްޓޭޝަންގެ މަރުހަލާ ކަމަށެވެ.

އޭނާ ވިދާޅުވީ އަންނަ އަހަރުގެ އެކަޑަމިކް އަހަރާ އެކު އިންޓަނޭޝަނަލް ޕްރީ ސްކޫލުވެސް ހުޅުވޭނެ ކަމަށެވެ. ސްކޫލުގައި ދިވެއްސާއި އިސްލާމް އަދި ގުރުއާނާއި ޕްރެކްޓިކަލް ލައިފް އެކްސަސައިޒަސް އާއި ސެންސޯރިއަލް އާއި މެތެމެޓިކްސް އެންޑް ޖިއޮމެކްޓްރީގެ އިތުރުން ލޭންގުއެޖް އާއި ޖިއޮގްރަފީ އާއި ހިސްޓްރީ އާއި ބޮޓަނީ އަދި ޒޫލޮޖީ އެވެ.

މޮންޓަސޫރީ ކަލްކިއުލަމާ ބެހޭ ގޮތުން ވާހަކަދައްކަވަމުން މަހުދީ ޝާހިދު ވިދާޅުވީ މިކަލްކިއުލަމަކީ ކިޔަވާދިނުމަށް ބޭނުންވާ އެންމެހާ މެޓީރިއަލް ތައްޔާރުކުރެވި ތަންފީޒުކުރާތާ އެތައް އަހަރުތަކެއް ވެފައިވާ ކަރިކިއުލަމެއް ކަމުން ނަތީޖާ ފެންނާނެކަން ޔަގީންވާ ކަމަށެވެ.

” މި ކަރިކިއުލަމްގެ މުހިއްމުކަމަކީ ހާއްސަކޮށް ކިޔަވައިދިނުމުގެ އެންމެހާ މެޓީރިއަލް ތައްޔާރުކުރެވި، އިމްޕްލިމެންޓްކުރެވި، އެކްސްޕެރިމެންޓްކުރެވިފައިވާ ކަރިކިއުލަމެއް. އެހެންވީމާ އިފެކްޓިވް ވާނެކަމުގެ ޔަގީންކަން އެބައޮތް. އަޖުމަ ބަލާކަން ނުޖެހޭނެ ” މަހްދީ ވިދާޅުވި އެވެ.

އިންޓްނޭޝަނަލް އެހެން ޕްރީ ސްކޫލުތަކާ އަޅައި ބަލާއިރު މިތަނުގެ އަގުތައް ހެޔޮކަން ފާހަގަކުރެވެ އެވެ. އެގޮތުން ސްޓޭޝަނަރީ ފީ އެއްގޮތުގައި އަހަރަކު 2500 ރުފިޔާ ނަގަން ހަމަޖެހިފައިވާއިރު އެޑްމިޝަން ފީ ގޮތުގައި ހަމަޖައްސާފައިވަނީ 50 ޑޮލަރެވެ. އަދި ބޭބީ ނަސަރީ އާއި ނާސަރީގެ ދަރިވަރަކަށް މަހު ފީ އެއްގެގޮތުގައި ކަނޑައަޅާފައިވަނީ 80 ޑޮލަރު (1233.60 ރުފިޔާ) އެވެ. އެލްކޭޖީ އާއި ޔޫކޭޖީގެ ދަރިވަރަކަށް މަހަކު 90 ޑޮލަރު (1387.80ރުފިޔާ) އެވެ.

މަހުދީ ވިދާޅުވީ ބޫޓާއި ސްޓާކީންގެ އިތުރުން ކުއްޖާއަށް ބޭނުންވާ ހުރިހާ މެޓީރިއަލްއެއް ސްކޫލުގެ ފަރާތުން ހަމަޖައްސައިދޭނެ ކަމަށެވެ. ނާސަރީ އާއި ބޭބީ ނަސަރީގެ ދަރިވަރުންނަށް ނަގައިދޭގޮތަށް ހަމަޖައްސާފައިވަނީ ދުވާލަކު 3 ގަޑިއިރުގެ ކުލާހެކެވެ. އަދި އެލްކޭޖީ އާއި ޔޫކޭޖީއަށް ކިޔަވައިދޭނީ ދުވާލަކު 4 ގަޑިއިރެވެ.

މިސްކޫލަށް ވަންދަން ބޭނުންވާ ފަރާތަކުން 9878538 ނަންބަރަށް ގުޅައި މައުލޫމާތު ސާފުކުރެވޭނެ އެވެ.