ކެރޯސީން ތެޔޮ ބުއި އަންހެނަކު ކުޅުދުއްފުށީ ހޮސްޕިޓަލްގެ އައިސީޔޫގައި

Nov 4, 2015

މިއަދު މެންދުރު ކެރޯސީން (ސާފުތެޔޮ) ބުއި އަންހެނަކަށް ކުޅުދުއްފުށީ ހޮސްޕިޓަލް އައިސީޔޫގައި ފަރުވާދެމުން އެބަދެ އެވެ.

ކުޅުދުއްފުށީ ހޮސްޕިޓަލްގެ އޮފިޝަލަކު ބުނީ އެފަދަ ކަމެއް ހިނގައިގެން އަންހެނަކު މިއަދު މެންދުރު ހޮސްޕިޓަލަށް ގެނެސް ފަރުވާދޭން ފަށާފައިވާ ކަމަށާއި އޭނާ ހާލު “ސްޓޭބަލް” ކަމަށެވެ. އެކަމަކު އޭނާ އަށް އަދި ފަރުވާދެމުން ދަނީ އައިސީޔޫގައި ކަމަށް އޮފިޝަލް ވިދާޅުވި އެވެ.

ފުލުހުން ފޯނަން ޖަވާބު ނުދެއްވަތީ ފުލުހުންގެ ބަހެއް ވަނީ ލިބޭގޮތް ނުވެފަ އެެވެ.

“ކުޅުދުއްފުށި އޮންލައިނަށް” އެގިފައިވާ ގޮތުގައި ކެރޯސީން ބޮއެގެން ހޮސްޕިޓަލަށް ގެންގޮސްފައިވަނީ 32 އަހަރުގެ މީހެކެވެ. އަދި އޭނާ އަކީ މީހަކާ އިނދެގެން ކުދިން ވެސް ތިބޭ މީހެއްކަން އެނގިފައިވެ އެވެ.

މިލިޔުމާއި ގުޅޭ