ކުއްލި ނުރައްކަލުގެ ހާލަތު ހަ ދުވަހަށްފަހު އުވާލައިފި

Nov 10, 2015

މި މަހުގެ 5 ވަނަ ދުވަހު އިއުލާނުކުރި ކުއްލި ނުރައްކަލުގެ ހާލަތު މިއަދު އުވާލައިފި އެވެ.

މުޅި ރާއްޖޭގައި އިއުލާނުކުރި ކުއްލި ނުރައްކަލުގެ ހާލަތު މިއަދު ރައީސުލްޖުމުހޫރިއްޔާ އުވާލިކަން އިއުލާނުކުރެއްވެވީ ރައީސް އޮފީހުގައި ބޭއްވި ނިއުސްކޮންފަރެންސެއްގައި ދައުލަތުގެ ބަންޑާރަ ނައިބެވެ.

ރައީސްގެ ގަރާރުގައި ކުއްލި ނުރައްކަލުގެ ހާލަތު އުވާލީ ރައްޔިތުންނާއި ގައުމުގެ ސަލާމަތަށް އެކަށީގެންވާ ފިޔަވަޅުތަކެއް ރާއްޖޭގެ ސަލާމަތީ ބާރުތަކުން އަޅާފައިވާކަމަށް ސަލާމަތީ ބާރުތަކުން ރައީސުލްޖުމުހޫރިއްޔާއަށް މައުލޫމާތު ދެއްވުމުން ކަމަށް ވިދާޅުވެފައި ވެއެވެ.

ފާއިތުވި ހަ ދުވަހުގެ ތެރޭގައި ގިނަ ތަންތަނެއް ބަލައި ފާސްކޮށް ބައެއް ހަތިޔާރާއި އަދި އެކަމާގުޅުންހުރި ބައެއް މީހުން ހައްޔަރުކޮށްފައިވާކަން ފާހަގަކޮށްލެވެއެވެ.

މިލިޔުމާއި ގުޅޭ