ފިހާރައެއްގައި އިން ސޭޓަކަށް ވަޅިން ބިރު ދައްކައިގެން ރުފިޔާތައް ފޭރިގެންފި

ކުޅުދުއްފުށީ ފިހާރައެއްގައި އިން އަންހެން ސޭޓަކަށް ވަޅިން ބިރު ދައްކައިގެން ފިހާރައިގައި ހުރި ރުފިޔާތައް ފޭރިގަނެގެން ފިލައިފި އެވެ.

މިރޭ 8:30 ހާއިރު ހިނގި މިހާދިސާގައި ފިހާރައިން ވަގަށް ގެންދިޔައީ ކިހާ ފައިސާއެއް ކަމެއް އަދި ނޭނގެ އެެވެ.

ފިހާރައަށް ވަދެ ފޭރިފައިވަނީ މޫނު ނިވާކޮށްގެން ތިބި 2 މީހުންނެވެ. ” އެކަކު ހުރިހާ އަހަންނާ ދިމާއަށް ވަޅި ދިމާކޮށްގެން. ދެން ހުރި މީހާ ވަތްގަނޑުގައި ހުރި ރުފިޔާތައް ނެގީ ” ފިހާރާގައި އެވަގުތު އިން 17 އަހަރުގެ އަންހެން ކުއްޖާ “ކުޅުދުއްފުށި އޮންލައިން” ރިޕޯޓަރަކާ ވާހަކަ ދައްކަމުން ބުންޏެވެ.

ފޭރުމުގެ މިހާދިސާ ހިނގާފައިވަނީ އާރާމް ގެސްޓް ހައުސް ކައިރީގައި ހުންނަ ރައިޓް އޭންގަލް ކިޔާ ފިހާރައަކުންނެވެ.