ހދ އަތޮޅު ތައުލީމީ މަރުކަޒަށް ޕްރިންސިޕަލެއް ހޯދަނީ

ހދ އަތޮޅު ތައުތީމީ މަރުކަޒަށް ޕްރިންސިޕަލެއް ހޯދުމަށް އިއުލާން ކޮށްފި އެެވެ.

ދިވެހި ސަރުކާރު ގެޒެޓްގައި މިދިޔަ ބުރާސްފަތި ދުވަހު ކޮށްފައިވާ މި އިއުލާނުގައި ވަނީ މި މަގާމަށް ޝައުގުވެރިވާ ފަރާތްތަކުން އަންނަ ޑިސެމްބަރ 2 ވަނަ ދުވަހު 14:00 ގެ ކުރިން މިނިސްޓްރީ އޮފް އެޑިއުކޭޝަންގެ އެޗް އާރު ސެޝަނަށް ފޯމް ހުށައެޅުމަށް އެދިފަ އެވެ.

މި މަގާމަށް ހުށައެޅުމުގެ އެންމެ ދަށް ޝަރުތަކީ ޓީޗިން އޮފިޝަރ 3 އެވެ. މި މަގާމަށް ފޯމްލުމުގެ ފުރުސަތު ހުޅުވާލައިފައިވަނީ ޓީޗިން އޮފިޝަރ 3 ން 11 ހަމައަށެވެ.

ހދ އަތޮޅު ތައުލީމީ މަރުކަޒަށް ޕްރިންސިޕަލެއް ހޯދުމަށް އިއުލާން ކޮށްފައި މިވަނީ އެމަގާމު ހުސްކޮށް އޮންނަތާ 1 އަހަރު ދުވަހަށް ފަހު އެވެ.

ގްރޭޑް 1 ން 7 ކިޔަވައިދޭ މި ސްކޫލަކީ މާލެ ފިޔަވާ އެންމެ ގިނަ ދަރިވަރުން ތައުލީމު ހާސިލްކުރަމުން އަންނަ ޕްރައިމަރީ ސްކޫލެވެ.