ދަނޑުވެރިކަމުގެ ވޯކްޝޮޕް ނޮޅިވަރަމްފަރުގައި ފަށައިފި

ދަނޑުވެރިކަމުގެ ވޯކްޝޮޕް މިއަދު ނޮޅިވަރަމްފަރުގައި ފެށިގެން ކުރިއަށް އެބަދެއެވެ.

މިއަދު ހެނދުނު 10:30 ފެށިގެން ކުރިއަށް ގެންދާ މި ވޯކްޝޮފްގައި ދަނޑުވެރިންނަށް މައުލޫމާތު ދެމުން ގެންދަނީ ކެމް މޯލްޑިވްސްގެ ފަރާތުންނެވެ.

ކުޅުދުއްފުށި އޮންލައިނަށް މައުލޫމާތު ދެމުން އަތޮޅު ކައުންސިލްގެ މެންބަރު ހުސެއިން ހަސަން ވިދާޅުވީ މިއަދުގެ  ވޯކްޝޮފްގައި 17 ދަނޑުވެރިން  ބައިވެރިވެފަ ކަމަށާއި މާދަމާގެ ވޯކްޝޮޕް ކުރިއަށް ގެންދިއުމަށް ހަމަޖެހިފައިވަނީ ނޮޅިވަރަމުގައި ކަމަށެވެ.

މި ވޯކްޝޮޕްގައި މައިގަނޑު ގޮތެއްގައި ކިޔަވައި ދެވިގެންދާނީ ކެމިކަލް ބޭނުން ނުކޮށް ދަނޑުވެރިކަން ކުރާނެ ގޮތާއި ރާއްޖޭގައި އާއްމުކޮށް ނުހައްދާ ބައެއް ގަސްތައް ހައްދަން ދަސްކޮށްދިނުންމުގެ އިތުރުން އާއްމުކޮށް ރާއްޖޭގައި ހައްދާ ބައެއް ގަސްތައް ހައްދަން ދަސްކޮށްދިނު މެވެ.

މި ވޯކްޝޮޕްގައި ހދ އަތޮޅުގެ 7 ރަށަކުން ޖުމްލަ 175 ދަނޑުވެރިން ވަނީ ބައިވެރިވެފަ އެވެ.  މިއަަދުން ފެށިގެން  އަންނަ އަންގާރަ ދުވަހާއި  ހަމައަށް ކުރިއަށްދާ މިވޯކްޝޮޕްގައި ބައިވެރިވެފައިވަނީ ނޮޅިވަރަމްފަރާއި ނޮޅިވަރަމާއި ނެއްލައިދޫއާއި ކުރިނބީ، ނޭކުރަންދޫ އަދި ވައިކަރަދޫއާއި ކުޅުދުއްފުއްޓެވެ.