ޔުނީފޯމް މައްސަލައިގައި ޑެޕިއުޓީ ޕްރިންސިޕަލް މިނިސްޓްރީއަށް ހާޒިރުކޮށް ބަޔާން ނަގައިފި

Dec 6, 2015

ހދ އަތޮޅު ތައުލީމީ މަރުކަޒުގައި އާ ޔުނީފޯމެއް ބޭނުންކުރަން ނިންމި މައްސަލައިގައި އެ ސްކޫލްގެ ޑެޕިއުޓީ ޕްރިންސިޕަލް އަހުމަދު އަބްދުﷲ އެޑިއުކޭޝަން މިނިސްޓްރީއަށް ހާޒިރުކޮށްފި އެވެ.

އަހުމަދު އަބްދުﷲ އެޑިއުކޭޝަނަށް ހާޒިރުކޮށްފައިވަނީ މިދިޔަ ބުރާސްފަތި ދުވަހު އެވެ.

އަހުމަދު މިނިސްޓްރީއަށް ހާޒިރުކޮށްފައިވަނީ ހދ އަތޮޅު ތައުލީމީ މަރުކަޒުގައި 2016 ވަނަ އަހަރަށް ބޭނުން ކުރުމަށް އެސްކޫލުގެ އާ ޔުނީފޯމު އެޑިއުކޭޝަންގެ ހުއްދަނެތި ފާސްކޮށް ބެލެނިވެރިންނަށް ޔުނީފޯމް ފެހުމަށް އެންގުމުންނެވެ.

މި ނޫހުން ކުރި ސުވާލަކަށް ޖަވާބުދެމުން އަހުމަދު ވިދާޅުވީ އެޑިއުކޭޝަނަށް ހާޒިރުކޮށް އެމައްސަލަ ހިނގި ގޮތުގެ ބަޔާން ނަގާފައިވާ ކަމަށެވެ.

އެހެނަމަވެސް އެއްވެސް ފިޔަވަޅެއްވެސް އަދި އެޑިއުކޭޝަނުން ވަކި އެއްޗެއްވެސް ވިދާޅުވެފައި ނުވާކަމަށް އަހުމަދު ވިދާޅުވި އެވެ.

“ކުޅުދުއްފުށި އޮންލައިނަށް” އެޑިއުކޭޝަން މިނިސްޓްރީން މީގެ ކުރިން ދިން އިންޓަވިއުއެއްގައި ވިދާޅުވެފައިވަނީ އާ ޔުނީފޯމްގެ މައްސަލަ ބެލުމަށްފަހު، 2016 ވަނަ އަހަރަށް އެސްކޫލުން ފާސްކުރި ޔުނީފޯމް ބޭނުން ކުރުމަށް އެޑިއުކޭޝަނުން މިހާރު ހުއްދަ ދީފައިވާނެ ކަމަށާއި އެގޮތުން އެމައްސަލަ މިހާރު ވަނީ އެއްކޮށް ހައްލުވެފައި ކަމަށެވެ.

މިލިޔުމާއި ގުޅޭ