އެކްސްޕޯ މޯލްޑިވްސް 2015 ގެ ޓެލެކޮމް ޕާޓްނަރަކަށް ދިރާގު ހަމަޖައްސައިފި

މިނިސްޓްރީ އޮފް އިކޮނޮމިކް ޑިވެލޮޕްމަންޓް އިން އިންތިޒާމްކޮށްގެން ބާއްވާ ދިވެހިރާއްޖޭގެ އުފެއްދުންތެރިކަމުގެ ގައުމީ މަރުކަޒު އެކްޕޯސް މޯލްޑިވްސް ގެ ޓެލެކޮމް ޕާޓްނަރަކަށް ދިރާގު ހަމަޖައްސައިފި އެވެ.

އެކްސްޕޯ މޯލްޑިވްސް އަކީ މަސައްކަތްތެރި އުފެއްދުންތައް ދައްކާލުމުގެ އިތުރުން ސަޤާފީ ކުޅިވަރުތަކާއި ދިވެހިން ކޮށްއުޅޭ ބައެއް މަސައްކަތްތައް ވަގުތުން ކުރަމުންދާ ސްޓޯލްތަކާއިއެކި ބާއްވާ މައުރަޒެކެވެ. މި މައުރަޒުގައި ރާއްޖޭގެ އަތޮޅުތަކާއި ވަކިވަކި ފަރުދުންނާއި، ހާއްސަ އެހީއަށް ބޭނުންވާ ފަރާތްތަކާއި ކުންފުނިތައް، އަދި ކްލަބް ޖަމިއްޔާތަކަށާއި ސްކޫލްތަކަށް ބައިވެރި ވެވޭގޮތަށް ވަނީ ހުޅުވާލާފަ އެވެ.

22 ޑިސެންބަރު ގައި ފެށުނު މި މައުރަޒު މިމަހު 28 ހަމައަކުރިއަށް ދާއިރު މި މައުރަޒުގެ ރަސްމީ ޓެލެކޮމް ޕާޓްނާރގެ ގޮތުގައި ދިރާގު ހަމަޖެހިގެން ދިއުމަކީ މައުރަޒަށް ލިބުނު ވަރަށް ބޮޑު ކުރިއެރުމެއް ކަމަށާއި މި މައުރަޒުގައިވާ އުފެއްދުންތަކާއި މައުލޫމާތު ސޯޝަލް މީޑިއާ މެދުވެރިކޮށް ގިނަބަޔަކަށް މައުލޫމާތު ލިބުމަށް ހުޅުވިގެން ދިޔަ މަގެއް ކަމަށް އިކޮނޮމިކް މިނިސްޓްރީން މައުލޫމާތު ދެއެވެ.

މި މައުރަޒު ހިނގަމުންދާ ސަރަހައްދު މިހާރު ވަނީ ދިރާގުން ވައިފައި ކޮށްފަ އެވެ.

އެގޮތުން މި ޕާޓްނާޝިޕާއި ބެހޭގޮތުން ދިރާގުން ބުނީ މިފަދަ ގައުމީ ހަރަކާތްތަކަށް ވެވެން އޮތް އެންމެ ބޮޑު އެހީތެރިކަމެއްވެދީ، އެކަންކަމުގައި ބައިވެރިވުމަކީ ދިރާގުން އަބަދުވެސް ވަރަށް އިސްކަމެއްދީގެން ކުރަމުންދާ ކަމެއް ކަމަށެވެ.