ގިނަ ދުވަސްވެފައިހުރި ސައިކަލް ގެންގުޅޭ ފަރާތްތަކަށް ލިޓަސް އިން ޑިސްކައުންޓް ދެނީ

ލިޓަސް އޮޓޯމޮބައިލްސް އައު އަހަރުގެ މުނާސަބަތުގައި ޑިސްކައުންޓް ޕްރޮމޯޝަނެއް ފަށައިފި އެވެ.

“އަލުން ބަލުން ޕްރޮމޯޝަން” ގެ ނަމުގައި ފެށިމި ޕްރޮމޯޝަނަކީ ބައު ސައިކަލް އައު ސައިކަލަކަށް ބަދަލުކޮށްލަން ބޭނުންވާ ފަރާތްތަކަށް ހާއްސަކޮށްގެން ކުރިއަށް ގެންދާ ޕްރޮމޯޝަނެއް ކަމަށް ލިޓަސް އިން ބުނެއެވެ. އެގޮތުން ސައިކަލް ނަގާ ފަރާތްތަކުގެ ތެރެއިން ބައު ސައިކަލް ހުންނަ ފަރާތްތަކަށް މި ޕްރޮމޯޝަނުގެ ދަށުން ޑިސްކައުންޓް ލިބިގެން ދާނެއެވެ.

ލިޓަސް އިން ބުނީ ޑިސްކައުންޓް ދިނުމުގައި ސައިކަލް އުފެއްދި ތާރީހާއި ކަވަރުސެޓަށް ލިބިފައި ހުރި ޑެމޭޖްގެ އިތުރުން އިންޖީނު އަދި އެހެނިހެން ލިބިފައި ހުރި ގެއްލުންތަކުގެ މައްޗަށް ބަލައި ވަކި ޑިސްކައުންޓް އަދަދެއް ކަނޑައެޅިގެންދާނެ ކަމަށެވެ. އެގޮތުން 5500ރ އާހަމައަށް ސައިކަލްގެ އަގުން ޑިސްކައުންޓް ލިބޭނެ ކަމަށް ލިޓަސް އިން ހާމަކުރެއެވެ.

ގެންގުޅުއްވާ ސައިކަލްގެ ބައުވި ވަރަކަށް ސައިކަލް އާކުރަން ނަގާ ފަރާތްތަކުގެ އަގުން ޑިސްކަައުންޓްގެ ގޮތުގައި ކެނޑޭ އެމައުންޓް ބޮޑުވާނެ ކަމަށް ލިޓަސް އިން ބުނެއެވެ.

މި ޑިސްކައުން ޕްރޮމޯޝަން ކުރިއަށްދާނީ މި މަހު 31 ގެ ނިޔަލަށެވެ. އަދި މާލޭގައި ހުންނަ ލިޓަސް ފިހާރައިގެ އިތުރުން ލިޓަސް އޭޖެންޓް “ކުޅުދުއްފުށި އޮންލައިނ” އިންވެސް މި ޕްރޮމޯޝަން ދަށުން ސައިކަލް ގަންނަން ލިބޭނެ އެވެ.