އޯސިސް ޑައިވް ކްލަބްގެ ފަރާތުން އަނެއްކާވެސް އިތުރު ކޯސްތަކެއް ފަށަނީ

އޯސިސް ޑައިވް ކްލަބްގެ ފަރާތުން އަނެއްކާވެސް އިތުރު ޑައިވިން ކޯސްތަކެއް ކުޅުދުއްފުށީގައި ފެށުމަށް ހަމަޖެހިފައިވާ ކަމަށް އެ ކްލަބުން ބުނެފި އެވެ.

ކުޅުދުއްފުށީ އޮންލައިނަށް މައުލޫމާތު ދެއްވަމުން އޯސިސް ޑައިވިން ކްލަބްގެ މެނޭޖާރ އިސްމާއިލް މާހިރު ވިދާޅުވީ މިފަހަރު ކުރިއަށް ގެންދެން ހަމަޖެހިފައިވަނީ އޯޕަން ވޯޓާ ކޯހާއި، އެޑްވާން އޯޕަން ވޯޓާ ކޯހުގެ އިތުރުން ރެސްކިއު ކޯހެކެވެ.

މާހިރު ވިދާޅުވީ ރެސްކިއު ކޯސް ހިމަނާފައި މިވަނީ މިދިޔަ އަހަރު އެ ކްލަބްގެ ފަރާތުން ކުޅުދުއްފުށީގައި ހިންގި އެޑްވާން އޯޕަން ވޯޓާގައި ބައިވެރިކުދިނަށް އިތުރަށް މި ދާއިރާއިން ކުރިއަށް ދިއުމަށް ފުރުސަތު ހުޅުވާލުމުގެ ގޮތުން ކަމަށެވެ.

ރެސްކިއު ކޯސް ކުރިއަށް ގެންދިއުމަށް މަދު ވެގެން 4 ބައިވެރިން ބޭނުން ވާ ކަމަށާއި އޯޕަން ވޯޓާ ކޯހަށާއި އެޑްވާންސް އޯޕަން ކޯހަށް 10 ބައިވެރިން ބޭނުން ވާ ކަމަށް މާހިރު ވިދާޅުވި އެވެ.

ރެސްކިއު ކޯސް ކުރިއަށް ދާނީ 1 ހަފްތާއަށް ކަމަށާއި އަދި އޯޕަން ވޯޓާރ ކޯސް 4 ދުވަހަށް ކުރިއަށް ގެންދާއިރު އެޑްވާންސް އޯޕަން ވޯޓާރ ކޯސް ކުރިއަށް ގެންދާނީ 3 ދުވަހަށް ކަމަށް މާހިރު ވިދާޅުވި އެވެ.

އޯޕަން ވޯޓާ ކޯހުގެ ފީ އަކީ -/4500 އެޑްވާންސް އޯޕަން ވޯޓާ ކޯހުގެ ފީ އަކީ -/3500 އެވެ. އަދި ރެސްކިއު ކޯހުގެ އަގަކީ -/7000 އެވެ.

މި ކޯސްތަކުގެއި ބައިވެރިވުމަށް 7960475 ނަންބަރާ ގުޅުވާ ނަން ނޯޓް ކުރެއްވުމަށް އޯސިސް ކްލަބްގެ ފަރާތުން އެދެއެވެ.