ތާނިޔާ ސެލޫނަށް ކުޅުދުއްފުށިން ބޮޑު ތަރުހީބެއް

ތާނިޔާ ސެލޫންގެ ފަރާތުން ކުޅުދުއްފުށީގައި ކުރިއަށް ގެންދާ ބިއުޓީ ވޯކްޝޮޕަށް ކުޅުދުއްފުށިން ބޮޑު ތަރުހީބެއް ލިބެމުންދާ ކަމަށް އެ ސެލޫން އިން ބުނެފި އެވެ.

ކުޅުދުއްފުށީ ޔޫތް ސެންޓާރާ ގުޅިގެން މިމަހު 1 ން 8 އަށް ކުރިއަށް ގެންދާ މި ވޯކްޝޮޕްގައި ފޭސް ބްލީޗިން، މެނިކިއޯރ، ދަސްކޮށްދެވޭނެ ކަމަށް އެ ސެލޫން އިން މައުލޫމާތު ދެއެވެ.

މި ވޯކްޝޮޕްގައި ކުޅުދުއްފުށީގެ 14 ކުދިން ވަނީ ބައިވެރިވެފަ އެވެ. މި ވޯރކްޝޮޕްގައި ތަމްރީން ކުރެވޭ ބައިވެރިންގެ ތެރެއިން އެންމެ މޮޅު 3 ބައިވެރިއެއް ހޮވާލާ އެ ތިންބައިވެރިންނަށް އައްޑޫ ސިޓީ ހިތަދޫގެ ތާނިޔާ ސެލޫންގައި 3 މަސްދުވަހުގެ ޓްރެއިނިންއެއް ފުރިހަމަ ކުރުމުގެ ފުރުސަތެއް ދެވިގެންދާނަކަމަށް އެ ސެލޫންއިން މައުލޫމަތު ދެއެވެ.

އާންމުގެ އިތުުރުން ކުޅުދުއްފުށީގެ ޖަލާލުއްދީން ސްކޫލްގެ ދަރިވަރުންނަށް ވެސް ވަނީ މި ވޯކްޝޮޕް ކުރިއަށް ގެންދިއުމަށް ހަމަޖެހިފައެވެ. އެސްކޫލް ދަރިވަރުންނަށް މި ވޯކްޝޮޕްގައި ބައިވެރިވުމުގެ ފުރުސަތު ހުޅުވާލާފައި ވަނީ ހިލޭ އެވެ.