ހދ އަތޮޅުގެ ކައުންސިލަރުންނަށް ސަރުކާރުން ބީރުކަންފަތެއް

ހދ އަތޮޅަށް ދިމާވެފައިވާ ގޮންޖެހުންތަކަށް ހައްލެ ހޯދުމަށް ހދ އަތޮޅު ކައުންސިލަރުންނާއި ރަށު ކައުންސިލްތަކުގެ ރައީސުންނާއި ނައިބް ރައީސުން މިނިސްޓްރީ ތަކާއިއެކު ކުރެއްވުމަށް ހަމަޖެހުނު ދަތުރު ސަރުކާރުގެ ފަރާތުން އެކަށީގެންވާ ޖަވާބެއް ނުލިބުމުން ފަސްކޮށްފި އެވެ.

މިއަދު އަތޮޅު ކައުންސިލުން ނެރެފައުވާ ނޫސްބަޔާނެއްގައިވަނީ މިނިސްޓަރ އޮފް ޓްއަރިޒަމް، މިނިސްޓަރ އޮފް ފިނޭންސް އެންޑް ޓްރެޒަރީ، މިނިސްޓަރ އޮފް ހައުސިންގ އެންޑް އިންފްރާސްޓްރަކްޗަރ، މިނިސްޓަރ އޮފް ފިޝަރީޒް އެންޑް އެގްރިކަލްޗަރ، ލޯކަލް ގަވަރމެންޓް އޮތޯރިޓީގެ ރައީސް އަދި ރައީސުލްޖުމްހޫރިއްޔާގެ އެޕޮއިންޓްމެންޓަކަށް އެދި ޑިސެމްބަރ 31 ވަނަ ދުވަހު އެފަރާތްތަކަށް ސިޓީ ފޮނުވާފައިވާނެކަމަށާއި އެހެންނަމަވެސް މިދަތުރު ފަހުގެ ތާރީހަކަށް ލަސްކޮށްގެންވެސް ބައްދަލުވާނޭ ތާރީހެއް ދީފައިނުވާ ކަމަށެވެ.

އަތޮޅުގެ ތަރައްޤީއަށް ދިމާވެފައި ގޮންޖެހުންތަކާއި، ހުއްޓިފައިވާ މަޝްރޫޢުތައް އަދި ރައްޔިތުންގެ ޝަކުވާ ކަމާބެހޭ ފަރާތްތަކާ ހިއްސާކޮށް އެކަންކަމަށް ހައްލެއް ހޯދުމަށް ހދ. އަތޮޅު ކައުންސިލާއި ރަށު ކައުންސިލްތައް ގުޅިގެން ކަމާބެހޭ މިނިސްޓްރީތަކާ ބައްދަލު ކޮށް މަޝްވަރާ ކުރުމަށް، މާލެދިއުމަށް ހަމަޖެއްސެވި ދަތުރު، ސަރުކާރުން އިޖާބަ ދެއްވާފައިނުވާތީ އާއި މިވަގުތާއި ހަމައަށް އައިއިރު ކުރެވުނު މުއާމަލާތްތަކާއި، ކުރެވުނު މަސްވަރާތަކަށްބަލާއިރު ހދ.އަތޮޅުގެ މިވަފުދަށް ސަރުކާރުން އިޖާބަދެއްވަން ބޭނުންނުވާކަން ހާމަވެފައިވާކަމަށް ނޫސް ބަޔާނުގައިވެއެވެ.

އަދި ި، މިއަދާއިހަމައަށް އެއްވެސް މިނިސްޓްރީއަކުން އެޕޮއިންޓްމެންޓަށް އެދި ފޮނުވި ސިޓީގެ ޖަވާބު ލިބިފައިނެތް ކަމަށާއި، އެޕޮއިންޓްމަންޓް ހަމަނުޖެހި ބައްދަލުވާނޭކަމުގެ ޔަޤީންކަމެއްނެތި މާލެ ދިއުމަކީ ބޭކާރު ޚަަރަދެއްކަމަށް ކައުންސިލްތަކުން އިއްތިފާގުވާތީ، އެވަފުދު ކުރަން ހަމަޖެހިފައިވާ ދަތުރު މަޑުޖައްސާލާފައިވާކަމަށް ނޫސް ބަޔާނުގައި ވެއެވެ.

އޭގެ އިތުރުން ކައުންސިލ މި ވަފުދުގެ ކަންބޮޑުވުންތައް ހިއްސާކުރުމަށް ސަރުކާރުން ކަނޑައަޅާ އޮފިސަލެއް އައްޔަން ކޮށްދެއްވުމަށް އެދުމުންވެސް ސަރުކާރުން އިޖާބަ ދެއްވާފަނުވާ ކަމަށާއި މިދަތުރުގެ ހަވާސާއިން ބޭރުން ސިވިލް ސަރވިސް ކޮމިޝަންގެ ރައީސްއާ ބައްދަލުކުރުމަށް އެޕޮއިންޓްމަންޓަކަށް އެދުމުން އެފަރާތުން އެޕޮއިންޓްމަންޓް ދެއްވިކަން ޝުކުރުވެރިކަމާއެކު ފާހަގަކުރާކަމަށެވެ.

ހދ.އަތޮޅު ކައުންސިލްގެ އިސްނެގުމުގެ މަތިން ޖެނުއަރީ 17 އިން 21 އަށް މާލެ ދިއުމަށް ރަށުކައުންސިލްތަކުގެ 10 ރައީސުންނާއި، 5 ނައިބް ރައީސުންވަނީ ދަތުރުގެ އެންމެހާ ތައްޔާރީތަށް ވެފައެވެ