ކުޅުދުއްފުށީގައި ބޭސްތަކެއް ކައިގެން އަންހެން ކުއްޖަކު އަމިއްލައަށް މަރުވާން އުޅެފި

ކުޅުދުއްފުށީގައި ބޭސްތަކެއް ކައިގެން އަންހެން ކުއްޖަކު އަމިއްލައަށް މަރުވާން އުޅެފި އެވެ.

އެނގިފައިވާ ގޮތުގައި މިއަންހެން ކުއްޖާ މަރުވާން އުޅެފައިވަނީ އޭނާ ލޯބިގެ ގޮތުން ގުޅިގެން އުޅުނު ފިރިހެން ކުއްޖާއާ ޖެހުނު މައްސަލައެއްގަ އެވެ.

ބޭސްތަކެއް ކައިގެން މިކުއްޖާ ކުޅުދުއްފުށީ ރީޖަނަލް ހޮސްޕިޓަލަށް ގެނެސްފައިވަނީ އިއްޔެ މެންދުރުގެ ވަގުތެއްގަ އެވެ.

އައިސީޔޫގައި ފަރުވާދިނުމަށް ފަހު މިހާރު އެކުއްޖާ ވަނީ ވޯޑަށް ބަދަލުކުރެވިފަ އެވެ. 17 އަހަރުގެ މި އަންހެން ކުއްޖާގެ ހާލު މިހާރު ރަނގަޅުވަމުން އަންނަ ކަމަށް މައުލޫމާތު ލިބެ އެވެ.

މިކަމުގައި ހޮސްޕިޓަލުގެ ބަހެއް ލިބޭ ތޯ ކުރި މަސައްކަތް ވަނީ ކާމިޔާބު ނުވެފަ އެވެ. ފުލުހުން ބުނީ އެފަދަ މައްސަލަ އެފަރާތް އަދި ރިޕޯޓްކޮށްފައި ނުވާ ކަމަށެވެ.