އަންނަ ފެބްރުއަރީ މަހު ހަނިމާދޫގައި އިންޓަގްރިޓީ ކޭމްޕެއް ބާއްވަނީ

ޓްރާސްޕޭރެންސީ މޯލްޑިވްސްގެ ފަރާތުން އަންނަ ފެބްރުއަރީ މަހު 10 ން 14 އަށް ހަނިމާދޫގައި އިންޓަގްރިޓީ ކޭމްޕެއް ބޭއްވުމަށް ހަމަޖެހިވާ ކަމަށް އެފަރާތުން ހާމަ ކޮށްފިއެވެ.

ކުޅުދުއްފުށީ އޮންލައިނަށް މައުލޫމާތު ދެއްވަމުން ކޭޕްގެ ހިންގުމުގައި އިސްކޮށްއުޅޭ ފަރާތެއް ކަަމަށްވާ ނާޖިޔާ ހަމީދު ވިދާޅުވީ ޓްރާސްޕޭރެންސީ މޯލްޑިވްސް އަކީ ކޮރަޕްޝަނާ ދެކޮޅަށް މަސައްކަތް ކުރާ އެންޖީއޯއެއް ކަމުން މި ކޭމްޕުގައި ކޮރަޕްޝަނާއި ދެކޮޅަށް ޒުވާނުންނަށް ކުރެވޭނެ ކަންކަން ދަސްކޮށްދީ ޑިމޮކްރަސީއާއި ގަވަރަންސް އާއި ޕަބްލިކް ސޭފްޓީއާ ބެހޭގޮތުން މި ކޭޕްގެ ތެރެއިން ބައިވެރިންނަށް މައުލޫމާތު ދެވިގެން ދާނެ ކަމަށެވެ.

ކުޅުދުއްފުށީ، ހަނިމާދޫ، ނޮޅިވަަރަމް އަދި ނޮޅިވަރަމްފަރުގެ ޒުވާނުންނަށް ބައިވެރިވެވޭ ގޮތަށް ކުރިއަށް ގެންދިއުމަށް ހަމަޖެހިފައިވާ މި ކޭޕުގައި ބައިވެރިވާން ބޭނުންވާ  ފަރާތްތަށް އެރަށްތަކުގައި ގާއިމްކޮށްފައި ހުރި ފޯކަލް ޕޮއިންޓްތައް މެދުވެރިކޮށް ފޯމްލިބެން ހުންނާނެ  ކަމަށާއި އޭގެ އިތުރުން  ޓްރާސްޕޭރެންސީ މޯލްޑިވްސްގެ ވެބްސައިޓުން ވެސް ފޯމް ލިބެން ހުންނާނެ ކަމަށް ނާޖިޔާ ވިދާޅުވި އެވެ.  އަދި ބައިވެރިވުމަށް ފޯމް މެއިލް ކުރަން ބޭނުންވާ ފަރާތްތަކުން [email protected]  އަށް މެއިލްކޮށް  ލުމުންވެސް މި ކޭމްފުގައި ބައިވެރި ވެވޭނެ ކަަމަށް ނާޖިޔާ ވިދާޅުވި އެވެ.

ފޯކަލް ޕޮއިންޓްތައް:-

އިބްރާހިމް ހަލީލް 7945805 / ހދ ހަނިމާދޫ

އަބްދުﷲ މުހައްމަދު 7945223 / ހދ ކުޅުދުއްފުށި

އަބްދުﷲ ވަހީދު 7983848 / ހދ ނޮޅިވަރަމްފަރު

މުހައްމަދު ޝަފީއު 7900767 / ހދ ނޮޅިވަރަމް

މި ކޭޕްމުގެ މަގުސަދަކީ ކޮރަޕްޝަނާއި ދެކޮޅަށް ވަކިވަކި ފަރުދުންގެ ގޮތުގައި ކުރެވޭނެ ކަންކަން ހުރިކަން އަންގައި ދިނުމާއި އެކަމަށް އަހުލުވެރިކޮށް ބާރުއެޅުމާއި މިދަފަ ކަންކަމާއި ބެހޭގޮތުން އިތުރު މައުލޫމާތު ދިނުން ކަމަށް ނާޖިޔާ ވިދާޅުވި އެވެ.

މި ކޭމްޕުގައި ބައިވެރިވުމުގެ ފުރުސަތު އަންނަ ފެބްރުއަރީ މަހު 1 އާއި ހަމައާށް ހުޅުވާލެވިފައިވާއިރު ބައިވެރިންގެ އެކަމަޑޭޝަން އާއި ދަތުރުކުރުމުގެ ހުރިހާ ކަމެއް ބެލެހެއްޓުމަށް ހަމަޖެހިފައިވަނީ ޓްރާސްޕޭރެންސީ މޯލްޑިވްސްގެ ފަރާތުންނެވެ.   ކޭމްޕުގައި ބައިވެރިކުރުމަށް ހަމަޖެހިފައިވަނީ އުމުރުން 18 އަހަރާއި 24 އަހަރުގެ 30  ޒުވާނުންނެވެ.