ކުއްލި ހަބަރު: ސިފައިންގެ ޓްރެއިންގ ތަކުގައި ބޭނުންކުރާ ވަޒަން ތަކެއް ނޮޅިވަރަމުން ހޯދައިފި

ސިފައިންގެ ޓްރެއިންގ ތަކުގައި ބޭނުންކުރާ ކަހަލަ ވަޒަން ތަކެއް ފުލުހުންނާ ސިފައިން ކުރިއަށް ގެންދާ އޮޕަރޭޝަނެއްގައި ހދ ނޮޅިވަރަމުން ހޯދައިފި އެވެ

ރޭ ފެށިގެން ސިފައިނާ ފުލުހުން ގުޅިގެން ކުރިއަށްގެންދާ މި އޮޕަރޭޝަނުންގައި ހޯދައިފައިވަނީ ކިހާ ވަޒަނެއް ކަން ކަށަވަރެއް ނުވެ އެވެ.

ފުލުހުންގެ މީޑިއާ އޮފިޝަލް “ކުޅުދުއްފުށި އޮންލައިނަށް” ވިދާޅުވީ ފުލުހުންނަށް ލިބުނު މައުލޫމާތަކާ ގުޅިގެން ކުރިއަށްގެންދާ ހާއްސަ އޮޕަރޭޝަނެއްގައި ހދ ނޮޅިވަރަމުން ވަޒަންތަކެއް ހޯދައިފައިވާ ކަމަށެވެ.

އޭނާ ވިދާޅުވީ މިހާތަނަށް ބެލިބެލުމުން އެއީ ސިފައިންގެ ޓްރެއިންގތަކުގައި ބޭނުންކުރާ ކަހަލަ ވަޒަންތަކެއް ކަމަށް ބެލެވޭ ކަމަށެވެ. މީޑިއާ އޮފިޝަލް ވިދާޅުވީ ނޮޅިވަރަމްގެ އިތުރުން އިތުރު ހދ އަތޮޅުގެ ފަޅުރަށެއްވެސް ބަލައި ފާސްކުރަމުންދާ ކަމަށެވެ.

އޮޕަރޭޝަންގައި ގިނަ އަދަދެއްގެ ސިފައިންނާ ފުލުހުން ބައިވެރިވަމުންދާ ކަމަށް މައުލޫމާތު ލިބެ އެވެ.