ފެން ޖެހޭނެ ގޮތެއް ނެތިގެން ކުޅުދުއްފުށި ސްޓޭޑިއަމް ދަނޑުގެ ވިނަގަނޑު މަރުވަނީ

 

ކުޅުދުއްފުށީ ސްޓޭޑިއަމްގެ ދަނޑަށް ފެންޖެހުމަށް ބޭނުންކުރާ ޕަންޕް ހަލާކުވެ،އެތަނަށް ފެންޖެހޭނެ ގޮތެއް ނެތިގެން ދަނޑުގެ ވިނަގަނޑު މަރުވާން ފަށައިފި އެވެ.

އެދަނޑަށް ފެން ޖެހުމަށް ބޭނުންކުރާ ދެ ޕަންޕްގެ ތެރޭއިން އެ ޕަންޕްގައި މައްސަލަ ޖެހި ފެން ނުޖެހޭތާ 2 މަހަށް ވުރެ ގިނަ ދުވަސް ވަނީ މިހާރުވެފަ އެވެ.

އެތަނުގެ މުވައްޒަފެއް ބުނީ މައްސަލަ ޖެހުނު ޕަންޕަށް ބޭނުންވާ ތަކެތި ހޯދުމުގެ މަސައްކަތް ކުރަމުންދާ ކަމަށާއި ލަސްވަމުންދަނީ އެއަށް ބޭނުންވާ އެއްޗެހި ކުޅުދުއްފުށީ ލިބެން ނެތުމުން ކަމަށެވެ.

އަދި މިހާރުވެސް 1 ޕަންޕުން ދަނޑުގެ ބޮޑު ސަރަހައްދަށް ފެންޖަހާ ކަމަށް އޭނާ ބުންޏެވެ.

ކުޅުދުއްފުށީގައި ހުންނަ ޒޯން ސްޓޭޑިއަމް 1 ދަނޑަކީ އުތުރުގައި ބާއްވާ ބޮޑެތި މުބާރާތްތައް ބާއްވަމުން އަންނަ ތަނެކެވެ.