ހދ އަތޮޅު ކައުންސިލުން ހދ އަތޮޅުގައި މަސައްކަތްކުރާ ސިވިލް ސަރވިސްގެ އިދާރާތަކުގެ މުވައްޒަފުންނަށް ހިންގުމަށް ހަމަޖެހިފައިވާ ތަމްރީން ޕްރޮގްރާމްތަކުގައި ކިޔަވައިދޭނެ ޓްރެއިނަރުން ހޯދުމަށް އެ އިދާރާއިން އިއުލާން ކޮށްފި އެެވެ.
މި އިއުލާނުގައި 14 ދާއިރާއަކަށް ކިޔަވައިދޭނެ ފަރާތްތަށް ހޯދުމަށް އިއުލާންކޮށްފައި ވެއެވެ.
އެގޮތުން ޓްރެއިނަރުން ހޮވުމުގައި ތައުލީމާއި ކިޔަވައިދިނުމުގައި ހުރި ތަޖުރިބާއާއި މަސައްކަތުގެ ތަޖުރިބާއަށް ބެލޭނެ ކަމަށް މި އިއުލާންގައި ވެއެވެ.
އަދި ޓްރެއިނިންގ ނަންގަވައި ދެއްވުމަށް ޝައުޤުވެރިވާ ފަރާތްތަކުން މިކަމަށް އެދި އެ ފަރާތެއްގެ ސިޓީއާއި ވަނަވަރު އަދި ތަޢުލީމީ ސެޓްފިކެޓްތަކުގެ ކޮޕީ 23 ފެބުރުއަރީ 2016 ވާ އަންގާރަ ދުވަހުގެ 14:00 ގެ ކުރިން ހދ. އަތޮޅު ކައުންސިލް ހުށައެޅުމަށްވެސް މި އިއުލާންގައި ވެއެވެ.
ޝައުގުވެރިވާ ފަރާތްތަކުން އެ އިދާރާގެ ފެކް 6528875 ފެކް ކުރައްވައިގެބް ނުވަތަ [email protected] މެއިލް ކުރައްވައިގެން ޓްރެއިނީގެ މަގާމަށް ހުށައެޅުއްވޭނެއެވެ. އަދި ސިޓީ ފޮނުއްވަވާއިރު އެ ބޭފުޅެއް ކިޔަވައިދެއްވުމަށް ޝައުޤުވެރިވާ ދާއިރާތައް އެނގޭނެގޮތަށް ޖެއްސެވުމަށް އަތޮޅު ކައުންސިލުން އެދިވަޑައިގަންނަވަ އެވެ.