ގއ ކޫއްޑޫ ފުއްޓަރުފަރާތަށް ލަނޑާނަގަން އެރި އުޅުނު ކުޅުދުއްފުށީ މީހަކު ގެއްލިގެން ހޯދަން ފަށައިފިއެވެ.
ގެއްލިގެން ހޯދަމުންދަނީ ހދ ކުޅުދުއްފުށި ބޮޑުދުނބުރިގެ، އަބުދުއް ރަޝީދު އަލީ (32އ) އެވެ. އޭނާ އާއެކު ލަނޑާނެގުމަށް ހަރަކާތްތެރިވި މީހާ ބުނިގޮތުގައި ރޭ ފަތިހު މޫދަށް ފޭބުމަށްފަހު އަބްދުއް ރަޝީދު އަލީ މިސްރާބު ޖަހާފައިވަނީ ގއ ވިލިގިއްޔާ ދިމާއަށްކަމަށް ފުލުހުން ބުނެއެވެ.
އަބުދުއްރަޝީދު ގެއްލުނު އިރު އޭނާ ލައިގެން ހުރީ ކަޅުކުލައިގެ ސްވިމް ސޫޓެއް ކަމަށާއި އޭނާ ހުރީ ފެހިކުލައިގެ ފިންސަކަށް އަރައިގެން އެލުމިނިއަމް ކުލައިގެ އޮކްސިޖަން ފުޅިއެއް އަޅައިގެން ކަމަށް ފުލުހުން މައުލޫމާތު ދެއެެވެ.
އަބުދުއް ރަޝީދު އަލީ ގެއްލިފައިވާކަމުގެ މައުލޫމާތު މިއަދު ހެނދުނު 7:15 ހާއިރު ފުލުހުންނަށް ލިބުމާއެކު ފުލުހުންނާއި އެމްއެންޑީއެފް ގުޅިގެން އޭނާ ހޯދުމުގެ މަސައްކަތް ދަނީ ކުރަމުންނެވެ.
އަބުދުއް ރަޝީދު އަލީ ގެއްލިފައިވާ ސަރަހައްދުން ދަތުރު ކުރާ ފަރާތްތަކުން މިކަމަށް ސަމާލުވެ، އޭނާއާ ބެހޭ އެއްވެސް މައުލޫމާތެއް ލިބިވަޑައިގެންފި ނަމަ ކޯސްޓް ގާޑް ނުވަތަ ފުލުހުންނާ ހިއްސާ ކުރުމަށް ފުލުހުން އެދެއެވެ
