ކުޅުދުއްފުށީގައި ހުންނަ ސަރަހައްދީ ހޮސްޕިޓަލްގައި ލޮލާއި ކަމުގެ ހާއްސަ ޑޮކްޓަރެއް ނެތި ގިނަ މަސްތަކެއް ވެއްޖެ އެވެ.
ކުރިން ހުރި ލޮލުގެ ޑޮކްޓަރު ގޮސްފައިވަނީ މިދިޔަ އަހަރުގެ ސެޕްޓެމްބަރުމަހު އެވެ. އެއަށް ފަހުން އެހޮސްޕިޓަލުން ލޮލުގެ ހިދުމަތް ހުއްޓިފައި ހުންނަތާ 5 މަސް ވަނީ އެވެ.
ހަމުގެ ބަލީގެ ޑޮކްޓަރެއް ވެސް މިވަގުތަކު ނެތެވެ. ހަމުގެ ހާއްސަ ޑޮކްޓަރެއްގެ ހިދުމަތް ހުއްޓިފައިވަނީ މިދިޔަ އަހަރުގެ ނޮވެމްބަރުމަހުގެ ތެރޭގަ އެވެ.
“ކުޅުދުއްފުށި އޮންލައިނަށް” މައުލޫމާތު ދެމުން އެ ހޮސްޕިޓަލުގެ އޮފިޝަލަކު ވިދާޅުވީ ހަމުގެ ޑޮކްޓަރަކާއި ލޮލުގެ ޑޮކްޓަރެއް ހޯދައިދިނުމަށް މިނިސްޓްރީގައި އެދިފައިވާނެ ކަމަށެވެ. އެހެން ނަމަވެސް އަދި ޑޮކްޓަރެއް ލިބިފައިނުވާ ކަމަށް އޮފިޝަލް ވިދާޅުވި އެވެ.
ކުޅުދުއްފުށީގައި ހުންނަ ސަރަހައްދީ ހޮސްޕިޓަލަކީ އައިޖީއެމްއެޗް ފިޔަވާ އެންމެ ގިނަ އަދަދެއް އާއްމުން ހިދުމަތް ހޯދަމުން އަންނަ ސަރުކާރު ހޮސްޕިޓަލެވެ. އެހެން ނަމަވެސް އެތަނުގެ ހިދުމަތުގެ ފެންވަރު ރަނގަޅުކުރުމަށް ސަރުކާރުން އެއްވެސް މަސައްކަތް ކުރާތަނެއް ނުފެނެ އެވެ.
ސިޓީ ކައުންސިލުން ސްކޫލްތަކަށް ގްރާންޓް ދޫކުރުމުގެ ރަސްމިއްޔާތު
ސިޓީ ކައުންސިލުން މިއަހަރުވެސް ސްކޫލް ގްރާންޓް ދޫކޮށްފި
ކުޅުދުއްފުށީގެ ފެން އުފައްދާ ނިޒާމަށް ބޭނުންވާ ހަކަތަ އިރުގެ ހަކަތައަށް ބަދަލުކުރަނީ
މަތީ ތައުލީމަށްފަހު ސްކޫލްގެ ހިދުމަތާ ގުޅުމަށް ޕްރިންސިޕަލް އަދުނާން އެދިލައްވައިފި
