ދިއްދޫ ކައުންސިލަރ ޖިބްރީލް މުޖުތަބާ ޕީޕީއެމްއަށް ސޮއިކުރައްވައިފި

ހއ ދިއްދޫ ކައުންސިލަރ ޖިބްރީލް މުޖުތަބާ ޕީޕީއެމްއަށް ސޮއިކުރައްވައިފި އެވެ.

މެމްބަރު ޖިބްރީލް މުޖުތަބާ ރޭ ޕީޕީއެމަށް ސޮއިކުރުމާއެކު އެރަށު ކައުންސިލުގެ މެޖޯރިޓީ ޕީޕީއެމް އިން ވަނީ ނަގާފައިއެވެ.

ކައުންސިލް މެމްބަރުކަމަށް އިންތިހާބުވެ ވަޑައިގެންނެވި ޖިބްރީލް މުޖުތަބާ ޕްރޮގުރެސިވް ޕާޓީ އޮފް މޯލްޑިވްސްއަށް ސޮއިކުރައްވައި ފޯމް ހަވާލުކޮށްފައިވަނީ ޕާޓީގެ ރައީސް މައުމޫން އަބްދުލް ގައްޔޫމް އާއެވެ.

ހއ ދިއްދޫ ކައުންސިލުގައި މިވަގުތު ތިއްބަވަނީ ޖުމްލަ 6 މެމްބަރުންނެވެ. އެއީ ޕީޕީއެމްއަށް ނިސްބަތްވާ 4 މެމްބަރަކާއި އެމްޑީޕީއަށް ނިސްބަތްވާ 2 މެމްބަރުންނެކެވެ. އޭގެ ތެރެއިން ހއ ދިއްދޫ ކައުންސިލްގެ ރައީސް އިބްރާހިމް ސިނާންއަކީ ޕީޕީއެމްއަށް ނިސްބަތްވާ މެމްބަރެކެވެ.