ހދ ކުނބުރުދޫން ގަވައިދާ ހިލާފަށް ދަނޑި ކަނޑަމުން ދިޔަ ބަޔަކު ހުއްޓުވައިފި

ފަޅު ރަށެއްގެ ގޮތުގައި ކަނޑައަޅާއިފައިވާ ހދ. ކުނބުރުދޫން ގަވައިދާ ހިލާފަށް ދަނޑި ކަނޑަމުން ދިޔަ ބަޔަކު ފުލުހުން ހުއްޓުވައިފި އެވެ.

އިއްޔެގެ މެންދުރުފަހުގެ ވަގުތެއްގައި ގަވައިދާ ހިލާފަށް ކުނބުދުރޫއިން ދަނޑި ކަނޑަމުން ދިޔައީ އެއަތޮޅު ކުރިނބީ ބައެކެވެ.

ހދ އަތޮޅު ކައުންސިލްގެ ރައީސް އަހުމަދު އިބްރާހިމް ވިދާޅުވީ ކުނބުރުދޫން ގަވައިދާ ހިލާފަށް ބަޔަކު ދަނޑިކަނޑަމުން ދިޔަ ކަމުގެ ރިޕޯޓެއް އާއްމު ފަރާތަކުން ހުށަހެޅި ކަމަށެވެ. އަދި އެކަމުގެ ތަފްސީލް ދަންނަވަން ނޭނގޭ ކަމަށް އޭނާ ވިދާޅުވި އެވެ.

“އިއްޔެ އާއްމު ފަރާތަކުން އެކަމުގެ ރިޕޯޓެއް ކުރި. އަޅުގަނޑުމެން ފުުލުހަށް ރިޕޯޓްކުރިއިރު އެ ބޭފުޅުން ވަނީ އެކަމަށް އެޓެންޑްވެފަ” ރައީސް ވިދާޅުވި އެވެ.

މިކަމާ ގުޅޭ އިތުރު ތަފްސީލެއް ފުލުހުން އަދި ވިދާޅެއް ނުވެ އެވެ. ހދ ކުނބުރުދޫއަކީ ހޯމް މިނިސްޓްރީގެ ބެލުމުގެ ދަށުގައި އޮންނަ ރަށެކެވެ.