ލަނޑާ ނަގަން އުޅުމުގެ ތެރޭގައި ގެއްލުނު ކުޅުދުއްފުށީ މީހާ ހޯދުމުގެ މަސައްކަތް ހުއްޓާލައިފި

Mar 8, 2016

ލަނޑާ ނަގަން އުޅުމުގެ ތެރޭގައި ގެއްލުނު ކުޅުދުއްފުށީ މީހާ ހޯދުމަށް އެމްއެންޑީއެފް ސަދަން އޭރިއާ ކޯސްޓްގާޑް ސްކޮޑްރަން އިން ކުރިއަށް ގެންދިއަ ހާއްސަ އޮޕަރޭޝަން ހުއްޓާލައިފި އެވެ.

ގއ.ކޫއްޑޫ ފުއްޓަރު ފަރާތަށް ލަނޑާނަގަން އެރި އުޅުމުގެ ތެރޭގައި ގެއްލިފައިވަނީ ހދ.ކުޅުދުއްފުށީ ބޮޑުދުނބުރިގޭ ޢަބްދުއްރަޝީދު ޢަލީ (32އ) އެވެ.

މި ސާރޗް އޮޕަރޭޝަނުގައި އެމްއެންޑީއެފް ކޯސްޓްގާޑް ޝިޕް “ނޫރައްދީން” އާއި، އެމްއެންޑީއެފް ކޯސްޓްގާޑް ޝިޕް “ޢާޒީ” އާ ކުރަންގި ހެލިކޮޕްޓަރާ އެމްއެންޑީއެފް ސަދަން އޭރިއާ ކޮސްޓްގާޑް ސްކޮޑްރަންގެ ހާރބަރ ކްރާފްޓް އަދި އެމްއެންޑީއެފްގެ ޑައިވަރުން ވަނީ ބޭނުންކޮށްފައެވެ.

އަބްދުއްރަޝީދު ހޯދުމަށް ކުރިއަށް ގެންދިޔަ އޮޕަރޭޝަން ހުއްޓާލި އިރު އޭނާ ގެއްލުނު ސަރަހައްދުގެ 100 ނޯޓިކަލް މޭލުގެ ސަރަހައްދެއް ކަނޑު މަގުންނާއި ވައިގެ މަގުން ބަލާފައިވެއެވެ. ނަމަވެސް މިހާތަނަށް އޭނާގެ އެއްވެސް ޙަބަރެއް ވެފައި ނުވާކަމަށް ކޯސްޓްގާޑުން ވަނީ މައުލޫމާތު ދެއެެވެ..

މިލިޔުމާއި ގުޅޭ