ކުޅުދުއްފުށީގައި މިއަހަރުގެ މާރޗް މަހުގެ 21ން 24އަށް ބޭއްވުމަށް ހަމަޖެހިފައިވާ 9 ވަނަ އެޓޯލް ޖޫނިއަރ އެތުލެޓިކްސް ޗެމްޕިއަންޝިޕްގައި 14 ޓީމަކުން ބައިވެރިވެއްޖެ އެވެ.
“ކުޅުދުއްފުށި އޮންލައިނަށް” މައުލޫމާތު ދެއްމުން އެ އެސޯސިއޭޝަނުން ބުނީ މިމުބާރާތުގައި ބައިވެރިވުމަށް ހުޅުވާލި ފުރުސަތުގައި 7 ރަށަކުން 14 ޓީމެއް ބައިވެރިވެފައިވާ ކަމަށެވެ.
އެއީ ފުވައްމުލަކުން 3 ޓީމަކާއި ކުޅުދުއްފުށިން 3 ޓީމަކާއި މާލެއިން 4 ޓީމެއްގެ އިތުރުން ގދ ތިނަދޫ އާއި ދާންދޫ އާއި ހދ ނޮޅިވަރަމް އަދި ވައިކަރަދޫގައި ހުންނަ އަތޮޅު މަދަރުސާއިންނެވެ.
މިމުބާރާތަކީ ރާއްޖޭގެ ސްކޫލް މަދަރުސާ ކޮލެޖް ތަކާއި އެސޯސިއޭޝަންގެ މެމްބަރ ކްލަބްތަކަށް ހުޅުވާލައިގެން ކުރިއަށްގެންދާ މުބާރާޔެކެވެ.
އެޓޯލް ޖޫނިއަރ ޗެމްޕިއަންޝިޕް ކުރިޔަށް ދާނީ އަންހެން ފިރިހެން ވަކިން 3 އުމުރުފުރާއަކަށެވެ. މުބާރާތުގައި 13އަހަރުންދަށް، 16އަހަރުން ދަށް އަދި 19 އަހަރުން ދަށުގެ އުމުރުފުރާގައި ޖުމްލަ 66 އިވެންޓް ކުރިޔަށް ދާނެއެވެ.
އަންހެން ފިރިހެން ވަކިން ވަނަ ހޮވާ މުބާރާތުގެ ޗެމްޕިއަން ޓީމަށް 7000ރުފިޔާ، ދެވަނަ ޓީމަށް 5000ރުފިޔާ އަދި ތިންވަނަ ޓީމަށް 3000ރުފިޔާގެ ފައިސާގެ އިނާމް ވަނީ ހުށަހަޅާފައެވެ.
ކުޅުދުއްފުށީގައި ބާއްވާ އަންހެން މަސައްކަތެރިކަމުގައި މައުރަޒު ހުޅުވައިފި
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
