ސިހުރު ހަދަން ބޭނުންކުރާ ސާމާނާއެކު މާރަންދޫ އިން މީހަކު ހައްޔަރުކޮށްފި

Mar 12, 2016

ސިހުރު ހަދާ ކަމުގެ ތުހުމަތުގައި ހއ. މާރަންދޫގެ ދެ ގެއެއް ބަލައިފާސްކޮށް ސިހުރު ހެދުމަށް ބޭނުންކުރާ ޒާތުގެ ތަކެއްޗާއެކު 66 އަހަރުގެ ފިރިހެނަކު ހައްޔަރުކޮށްފިއެވެ.

އިއްޔެގެ ފުލުހުން އެރަށުގައި ހިންގި އޮޕަރޭޝަނުގައި ދެ ގެއެއް ބަލައިފާސްކޮށްފައިވާ ކަމަށް ފުލުހުން މައުލޫމާތު ދެއެވެ.

އަދި އެ މީހާ ދިރިއުޅެމުންދާ ގޭތެރެއިން ސިހުރު ހެދުމަށް ބޭނުންކުރާ ޒާތުގެ ފޮތްތަކާއި ބައެއް ތަކެތި ފެނިފައިވާ ކަމަށް ފުލުހުން ވަނީ ބުނެފަ އެވެ.

އެމީހާގެ ބަންދާމެދު ގޮތެއް ނިންމުމަށް ހއ. ދިއްދޫ މެޖިސްޓްރޭޓް ކޯޓަށް ހާޒިރުކުރުމުން މިނިސްޓްރީ އޮފް ހޯމް އެފެއަރޒުން ކަނޑައަޅާ ތަނެއްގައި ބަންދުގައި ބަހައްޓައިގެން ތަހުގީގު ކުރިއަށް ގެންދިޔުމަށް ހަތް ދުވަސް ވަނީ ދީފަ އެވެ.

ސިހުރު ހަދާ ކަމުގެ ތުހުމަތުގައި މިދިޔަ ބުދަ ދުވަހުވަނީ ހއ.ބާރަށުގެ 3 މީހަކުވެސް ހައްޔަރުކޮށްފައިއެވެ.

މިލިޔުމާއި ގުޅޭ