ޖަލާލުއްދީން ސްކޫލުގެ ފުރަތަމަ ސްކައުޓް ކޭމްޕް ހަނިމާދޫގައި ފަށައިފި

ޖަލާލުއްދީން ސްކޫލުގެ ފުރަތަމަ ސްކައުޓް ކޭމްޕް  މިއަދު ހަނިމާދޫގައި ފަށައިފި އެވެ.

ކޭމްޕް ފެށުމުގެ ރަސްމިއްޔާތުގައި ހަނިމާދޫ ސްކޫލުގެ ޕްރިންސިޕަލް ޝަފީޤު އާއި ޖަލާލުއްދީން ސްކޫލު ޕްރިންސިޕަލް ބައިވެރިވެލެއްވި އެވެ.

ޖަލާލުއްދީން ސްކޫލުގެ 51 ދަރިވަރުން ބައިވެރިވާ މި ކޭމްޕް ކުރިއަށްދަނީ ހަނިމާދޫ ސްކޫލު ކުރީގައި ހިންގި އިމާރާތުގައި އެވެ. އަދި ސީނިއަރ 6 ސްކައުޓަކުވެެސް ބައިވެރިވެ އެވެ.

3 ދުވަހުގެ ނިޔަލަށް ކުރިއަށްދާ މިކޭމްޕްގައި ހަނިމާދޫގައި ގާއިމްކޮށްފައިވާ ސަރުކާރުގެ މުވައްސަސާތަކަށް ސްކައުންޓުން ވަނީ ޒިޔާރަތްކުރަން ހަމަޖެހިފަ އެވެ.

ޖަލާލުއްދީން ސްކޫލުގައި ސްކައުޓް އުފެއްދީ މިދިޔަ އަހަރު އެވެ. މިއީ އެ ސްކޫލުގެ 18 އަހަރުވީ މާޒީގައި ސްކައުޓް ކޭމްޕެއް ބާއްވާ ފުރަތަމަ ފަހަރެވެ.

ހަބަރާ ގުޅޭ އިތުރު ފޮޓޯތައް ބެލެއްވުމަށް