ޗެމްޕިއަންސް ލީގު ކުއާޓާ ފައިނަލުގައި ބާސެލޯނާ އަދި އެތުލެޓިކޯ މެޑްރިޑް

 

ޗެމްޕިއަންސް ލީގު ކުއާޓާ ފައިނަލުގައި އެންމެ ފަހުގެ ޗެމްޕިއަން ބާސެލޯނާ އާއި އެތުލެޓިކޯ މެޑްރިޑް ކުޅެން ޖެހުނުއިރު ޕީއެސްޖީ ނުކުންނާނީ ކުއާޓާ ފައިނަލަށް މުޅިން އަލަށް ދަތުރުކުރި މެންޗެސްޓާ ސިޓީއާ ދެކޮޅަށެވެ.

ޔޫއޭފާގެ މައި މަރުކަޒު ހުންނަ ސްވިޒަލެންޑްގެ ނިޔޯންގައި ކުރިއަށްދިޔަ މި ގުރުއަތުގައި 2014 ވަނަ އަހަރުގެ ޗެމްޕިއަން ރިއަލް މެޑްރިޑް ނުކުންނާނީ މި މުބާރާތުގެ ނޮކްއައުޓް ސްޓޭޖްގައި މުޅިން އަލަށް ވާދަކުރަމުން އަންނަ ޖަރުމަނުގެ ވޫލްފްސްބާގްއާ ދެކޮޅަށެވެ. 2013 ވަނަ އަހަރުގެ ޗެމްޕިއަން ބަޔާން މިއުނިކް ނުކުންނާނީ ޕޯޓްގަލްގެ ބެންފީކާއާ ދެކޮޅަށެވެ.

ފާއިތުވެދިޔަ 10 އަހަރުތެރޭ 4 ފަހަރަށް ޗެމްޕިއަންސް ލީގު ހޯދާފައިވާ ބާސެލޯނާއާ އެތުލެޓިކޯ މެޑްރިޑް މި މުބާރާތުގެ ކުއާޓާގައި ތިން އަހަރުތެރޭ ދެވަނަ ފަހަރަށް ކުޅެން ޖެހޭއިރު މިއީ ސިޓީ އަދި ޕީއެސްޖީ މި މުބާރާތުގައި ވާދަކުރާ ދެވަނަ ފަހަރެވެ.

10 ފަހަރު ޗެމްޕިއަންކަން ހޯދާފައިވާ ރިއަލް މެޑްރިޑާ ވޫލްފްބާގް މި މުބާރާތުގައި އަލަށް ކުޅޭއިރު ބަޔާންއާ ބެންފީކާ މި މުބާރާތުގައި މިހާތަނަށް ހަ ފަހަރު ކުޅެފައިވެ އެވެ. ބަޔާން މީގެން އެއްވެސް މެޗަކުން ބަލިވެފައި ނުވާއިރު 4 މެޗުން މޮޅުވެފައިވެ އެވެ.

ކުއާޓާ ފައިނަލުގެ ފުރަތަމަ ލެގް އޭޕްރިލް 4-5 ގައި ކުޅޭއިރު ދެވަނަ ލެގު ކުޅުމަށް ހަމަޖެހިފައިވަނީ 12-13 ގަ އެވެ.