ހަވާސް ޕަބްލިޝާސްގެ ފަރާތުން ކުޅުދުއްފުށީގައި ފޮތް މައުރަޒެއް ކުރިއަށްގެންދަނީ

ހަވާސް ޕަބްލިޝާސްގެ ފަރާތުން ކުޅުދުއްފުށީގައި ފޮތް މައުރަޒެއް ހުޅުވައިފިއެވެ.

އަފީފުއްދީން ސްކޫލް ހޯލުގައި އިއްޔެ ހުޅުވި މި ފޮތް މައުރަޒު 4 ދުވަހުގެ މުއްދަތަކަށް ކުރިޔަށް ގެންދިޔުމަށް ހަމަޖެހިފައިވެއެވެ. އަދި މި ފޮތް މައުރަޒު މެންދުރު ފަހުު 14:00 ން އިރުއޮއްސެންދެން އަދި ރޭގަންޑު 20:00 ން 22:00 އަށް ހުޅުވިފައި ހުންނާނެ ކަމަށް ހަވާސް ޕަބްލިޝާސް އިން ބުނެއެވެ.

ފޮތް މައުރަޒު ހިންގުމާ ހަވާލުވެ ހުންނެވި ރައްޒާގު ކުޅުދުއްފުށި އޮންލައިނަށް މައުލޫމާތު ދެއްވަމުން ބުނީ މި ފޮތް މައުރަޒުގައި ދިނީ، ދިވެހި އަދި ކުޑަކުދިންނަށް ހާއްސަ ފޮތްތައް ލިބެން ހުންނާނެ ކަމަށާއި މާލޭ ބުކްޝޮޕްތަކުން ލިބެން ހުންނަ ހުރިހާ ފޮތްތައް ލިބެން ހުންނާނެ ކަމަށް ރައްޒާގު ބުންޏެވެ. އަދި ބޮކްޝޮޕްތަކުން ލިބެން ނުހުންނަ އިނގިރޭސި ފޮތްތައްވެސް މި ފެއަރ އިން ލިބެން ހުންނާނެ ކަމަށް ރައްޒާގު މައުލޫމާތު ދިނެވެ.

މިފަދަ ފޮތް މައުރަޒެއް ބޭއްވުމުގެ މަގުސަދަކީ އަތޮޅުތެރޭގައި ލިބެން ނުހުންނަ ފޮތްތައް އަތޮޅުތަކުގައި ދިރިއުޅޭ މީހުންނަށް ފޯރުކޮށްދިނުން ކަމަށް ރައްޒާގު ބުންޏެވެ. އަދި މިވަގުތު ކުޅުދުއްފުށީގައި ކުރިޔަށް ގެންދާ ފޮތް މައުރަޒަށް ވަރަށް ބޮޑު ތަރުހީބެއް ލިބެމުންދާ ކަމަށް ރައްޒާގު ފާހަގަކުރިއެވެ.

މީގެ އިތުރުން މައުރަޒުގައި ލިބެން ހުރިފޮތްތަކުން ބުކްޝޮޕްތަކުން ލިބެންހުންނަ އަގައް ވުރެ 15 އާއި 40 ދެމެދުގެ ޕަސެންޓެއް އަގުހެޔޮ ވާނެ ކަމަށް އެފަރާތުން ބުނެއެވެ.

ހަވާސް ޕަބްލިޝާސް އިން ބުނީ ކުޅުދުއްފުށީގެ އިތުރުން ފޮތް މައުރަޒު ހއ ދިއްދޫގައި ވެސް ކުރިގެންދިޔުމަށް ހަމަޖެހފައިވާ ކަމަށެވެ. އެގޮތުން މި މަހުގެ 7 ދުވަހުން ފެށިގެން 10 ވަނަ ދުވަހުގެ ނިޔަލަށް ދިއްދޫގައި މައުރަޒު ކުރިޔަށްދާނެ ކަމަށް އެފަރާތުން ބުންޏެވެ.