ޤައުމީ ރިލޭ ރިކޯޑް އާކުރި ޒުވާން ޓީމުގައި ކުޅުދުއްފުށީގެ އަނޫފް

މިހާރު ބޮޓްސްވާނާގައި ތަމްރީން ހަދަމުންދާ ރާއްޖޭގެ ޒުވާން އެތުލީޓުންގެ ޓީމުން ޤައުމީ ރިލޭ ރިކޯޑް އާކޮށްފި އެވެ. މި ޓީމުގައި ކުޅުދުއްފުށީގެ ޒުވާން އެތުލީޓް އަނޫފް މުހައްމަދު ދީފުރަމްގެ ހިމެނެ އެވެ.

އަނޫފް ގެ އިތުރުން އިބްރާހިމް އަޝްފާން އަލީ (އައްޕި) އާއި، އަލީ ޝާމްއާއި، މުހައްމަދު ނާއިލް ހިމެނޭ މި ރިލޭ ޓީމުން ވާދަކުރީ މޯލްޕޯލް ސްޕޯޓްސް ކޮމްޕްލެކްސްގައި މިހާރު ކުރިއަށްދާ ރިލޭ މުބާރާތުގަ އެވެ.

މި ޓީމުން 200 މީޓަރުގެ ރިލޭ އާކުރިއިރު، ރޭސް ނިންމާފައިވަނީ 1:31.70 އިންނެވެ. ކުރިން މި ރިކޯޑް އޮންނަނީ 1:45.36 އިން 2010 ވަނަ އަހަރު ރޭސް ނިންމާފައިވާ މަޖީދިއްޔާ ސްކޫލްގެ ރިލޭ ޓީމް އަތުގަ އެވެ.

މޯލްޑިވްސް އޮލިމްޕިކް ކޮމިޓީގެ ސްކޮލާޝިޕެއްގައި މި އަހަރުގެ ފެބްރުއަރީ 16 ގައި ބޮޓްސްވާނާ އަށް ފުރި މި ރިލޭ ޓީމު ތަމްރީން ހަދަމުންދަނީ ރިއޯ 2016 އާއި ޔޫތު އޮލިމްޕިކް ގޭމްސް 2018 އަށް ތައްޔާރުވުމަށެވެ.