ކަައުންސިލް އިންތިހާބުގައި ބައިވެރި ވުމުގެ ފުރުސަތު އޮކްޓޯބަރު މަހު ހުޅުވާލަނީ

ކުރިއަށް އޮތް ލޯކަލް ކައުންސިލް އިންތިހާބަށް ކުރިމަތި ލުމުގެ ފުރުސަތު އަންނަ އޮކްޓޯބަރ މަހު ތެރޭގައި ހުޅުވާލުމަށް ހަމަޖެހިއްޖެ އެވެ.

ކުރިޔަށް އޮތް ލޯކަލް ކައުންސިލް އިންތިހާބު ބޭއްވުމށް ހަމަޖެހިފައިވަނީ އަންނަ އަހަރުގެ ޖެނުއަރީ މަހު 14 ވަނަ ދުވަހު އެވެ.

ލާމަރުލަޒީ ގާނޫނަށް ފަހުން ގެނައި އިސްލާހުން ރަށު ކައުންސިލާއި އަތޮޅު ކައުންސިލަށް މެމްބަރުން އިންތިހާބުކުރަންޖެހޭ އަދަދަށް ބޮޑެތި ބަދަލްތަކެއް ވަނީ ގެނެސްފައިވެއެވެ.

މިގޮތުން 3000 މީހުންނަށްވުރެ އަބާދީކުޑަ ކޮންމެ ރަށެއްގެ ރަށު ކައުންސިލަށް ދެން އިންތިހާބްކުރާނީ ތިން މެމްބަރުންނެވެ. އަދި ތިންހާހަށްވުރެ އަބާދީ މަތިވެއްޖެނަމަ އެރަށެއްގެ ރަށު ކައުންސިލަށް އިންތިހާބުކުރާނީ 5 މެމްބަރުން ކަމަށް އެގާނޫނުގައި ވެއެވެ.

އަތޮޅު ކައުންސިލަށް މެމްބަރުން އިންތިހާބީ ދެ ދާއިރާއަށްވުރެ ގިނަ އިންތިހާބީ ދާއިރާތައް ހިމެނޭ އަތޮޅުތަކުގެ އަތޮޅު ކައުންސިލަށް މިހާރު އިންތިހާބުކުރައްވާނީ ކޮންމެ ދާއިރާއަކުން އެއް މެމްބަރެކެވެ. އަދި އިދާރީ ދެ ދާއިރާ ހަމަވާ ދާއިރާތަކުން މުޅި އަތޮޅު ހިމެނޭ ގޮތަށް އެއަތޮޅު ކައުންސިލަށް މިހާރު އިންތިހާބްކުރައްވާނީ ތިން މެމްބަރުންނެވެ.