އެންމެ ފަހުން ދިޕިކާ އަދި ސަލްމާން އެއް ފިލްމަކުން

Apr 7, 2016

ބޮލީވުޑްގައި މިހާރު އެންމެ ކާމިޔާބު އަންހެން ބަތަލުންގެ ތެރޭގައި ހިމެނޭ ދިޕިކާ ޕަޑުކޯން އަދި ސަލްމާން ހާނާއެކު އެއްފިލްމަކުން ފެނިގެންދާނެ ކަމުގެ ޔަގީންވެއްޖެއެވެ.

އިންޑިޔާގެ މީޑިއާ ރިޕޯޓުތަކުން ބުނާގޮތުގައި ޑައިރެކްޓަރ ކަބީރު ހާންގެ ކުރިޔަށް އޮތް ފިލްމެއްގައި ސަލްމާން އަދި ދީޕިކާ ފެނިގެންދާނެއެވެ. އަދި އެ ފިލްމަކީ އެކްޝަން ތްރިލަރ އެއްކަމަށް ރިޕޯޓުތަކުގައި ވެއެވެ.

ދިޕިކާ ވަނީ ސަލްމާން ހާން ފިޔަވައި، ގާތްގަނޑަކަށް ބޮލީވުޑްގެ އެންމެ މަޝްހޫރު އަދި އެންމެ ކާމިޔާބު ބަތަލުންނާއެކު މަސައްކަތްކޮށްފަ އެވެ. މީގެ ދުވަސްކޮޅެއް ކުރިންވެސް ދިޕިކާ ސަލްމާން ހާނާއެކީ ފިލްމަކުން ފެނިދާނެ ކަމުގެ ހަބަރުތަކެއް މީޑިއާގައި ފެތުރިފައިވެއެވެ. އަދި ސަލްމާން ހާނާއެކު ފިލްމު ކުޅެން ބޭނުންވާ ކަމަށްވެސް ދިޕިކާ މީގެ ކުރިން ވަނީ މީޑިއާގައި ހާމަކޮށްފައިއެވެ.

މި ފިލްމާއި ބެހޭ އިތުރު އެއްވެސް މައުލޫމާތެއް ޑައިރެކްޓަރ ކަބީރު ހާންގެ ފަރާތުން ލިބިފައި ނުވާއިރު މި ފިލްމުގައި ސަލްމާން އަދި ދިޕިކާގެ ލޯބީގެ މަންޒަރުތައް ހިމެނޭނެ ކަމަށް ހަބަރުތަކުން ބުނެއެވެ.

ދިޕިކާ މިދުވަސްކޮޅު އުޅެނީ ވިން ޑީސެލްގެ “ޓްރިޕްލް އެކްސް: ދަ ރިޓާން އޮފް ޒެންޑާ ކޭޖް” ޝޫޓިން ގައި އަވަދި ނެތިއެވެ. ދިިޕިކާގެ ފުރަތަމަ ހޮލީވުޑް ފިލްމް ރިލީޒް ކުރަން ހަމަޖެހިފައިވަނީ 2017 ވަނަ އަހަރުގެ ކުރީކޮޅު ކަމަށްވެއެވެ. ޓޮރޮންޓޯގައި މި ފިލްމުގެ ޝޫޓިން ކުރަމުންދާއިރު ދިޕިކާގެ އެންމެ ފަހުން ނިކުއި ބަޖިރާއޯ މަސްތާނީއަށް ފަހު ދިޕިކާ އަދި އެއްވެސް ބޮލީވުޑްގެ ފިލްމަކަށް ސޮއެ ކޮށްފައި ނުވެއެވެ.

މިލިޔުމާއި ގުޅޭ