ކުޅުދުއްފުށީ އާޓިފިޝަލް ބީޗު ހެދުމަށް ބޭނުންވާ ހިލަ ހިފައިގެން އައި ބާޖެއް ތިލަ ހިސާބަކަށް ބީހިއްޖެ

Apr 9, 2016

ކުޅުދުއްފުށި އާޓިފިޝަލް ބީޗްގެ މަސައްކަތައް ބޭނުންވާ ހިލަ ހިފައިގެން އައި ބާޖެއް ތިލަ ހިސާބަކަށް ބީހިއްޖެއެވެ.

ހިލަ ހިފައިގެން އައި ބާޖު ތިލަ ހިސާބަކަށް ބީހިފައިވަނީ ކުޅުދުއްފުށި ސަރަހައްދީ ބަނދަރަށް ވަންނަން އުޅުމުގެ ތެރޭގައި ކަމަށް މައުލޫމާތު ލިބެއެވެ.

ކުޅުދުއްފުށި އޮންލައިނަށް މައުލޫމާތު ދެމުން އެ ތަނުގެ މުވައްޒަފަކު ބުނީ އެ ބާޖު ތިލަ ހިސާބަކަށް ބީހިފައިވަނީ މިއަދު މެންދުރު 1 ޖަހާކަށް ހާއިރު ކަމަށެވެ. އަދި ސީޑޮން ނަމަކަށްކިޔާ ޓަގެއްގެ ކަފުގައި އޮތް ސީސަންކިޔާ މި ބާޖް ބަނދަރަށް ވަންނަން އުޅުމުގެ ތެރޭގައި އެބަނދަރުގެ ބޭރު ބްރޭކްވޯޓަރ ކައިރީގައި އޮންނަ ތިލަގަނޑަށް އެރީ ކަމަށެވެ.

ތިލަގަނޑަށް ބީހުނު ބާޖް ފުންކުރުމުގެ މަސައްކަތް، ސީޑޮން ޓަގް ބޯޓާއި، ކުޅުދުއްފުށީ ސަރަހައްދީ ބަނދަރުގެ ޓަގް ބޯޓް ބޭނުންކޮށްގެން މިހާރު ފުން ކުރެވިފައި ވާ ކަމަށާއި ބައިގަޑިރު ތެރޭގައި ބާޖު ފުންކުރެވިގެން ދިޔަ ކަމަށް އޭނާ ބުންޏެވެ.

ކުޅުދުއްފުށީ ބޯޒިޔާރަތް ސަރަހައްދުގައި އާޓިފިޝަލް ބީޗް ހަދައި އެސަރަހައްދުގެ ގޮނޑުދޮށް ހިމާޔަތްކުރުމަށް ހިންގާ މަޝްރޫއުގެ އަމަލީ މަސައްކަތް މި އަހަރުގެ ޖެނުއަރީ މަހު ފަށާފައިވާއިރު ބީޗުގެ ބްރޭކްވޯޓަރއަށް ބޭނުންވާ ހިލައި ހިފައިގެން އައި މިއީ ދެވަނަ ބާޖެވެ.

މިލިޔުމާއި ގުޅޭ