ހަނިމާދޫ ގެއަކުން މަސްތުވާތަކެއްޗާއެކު މީހަކު ހައްޔަރުކޮށްފި

މަސްތުވާތަކެތިކަމަށް ޝައްކުކުރެވޭ އެއްޗެއް ހުރި 60 ރަބަރު ހޮޅިކޮޅާއެކު ހދ.ހަނިމާދޫއިން މީހަކު ހައްޔަރުކޮށްފިއެވެ.

މަސްތުވާތަކެތިކަމަށް ޝައްކުކުރެވޭ އެއްޗެއް ހުރި 60 ރަބަރު ހޮޅިކޮޅާއެކު ހައްޔަރުކޮށްފައި ވަނީ 20 އަހަރުގެ ފިރިހެނެއް ކަމަށް ފުލުހުން މައުލޫމާތު ދެއެެވެ.

އެމީހާ ފުލުހުންގެ ބެލުމުގެ ދަށަށް ގެންގޮސްފައިވަނީ ހަނިމާދޫ ޕޮލިސް ސްޓޭޝަނުން ހިންގި އޮޕަރޭޝަނެއްގައި، ކޯޓް އަމުރެއްގެ ދަށުން މިއޭޕްރީލް މަހުގެ 11 ވަނަ ދުވަހުގެރޭ 11:10 ހާއިރު ހަނިމާދޫ ގެއަކުންނެވެ.

މަސްތުވާތަކެތިކަމަށް ޝައްކުކުރެވޭ އެއްޗެއްހުރި ރަބަރު ހޮޅިކޮޅުތައް ފެނިފައިވަނީ މިމީހާ ފުލުހުންގެ ބެލުމުގެ ދަށަށް ގެނެސް އެގެ ބަލައިފާސްކުރިއިރު އިރު އުތުރު ފަރާތު ފާރުކައިރީ ވަޅުލާފައި އޮތް ޕްލާސްޓިކް ފުޅިއެއްގެ ތެރެއިން ކަމަށް ފުލުހުން ބުނެއެވެ.