ހަނިމާދޫ އެއާޕޯޓުގައި ފިޓް ޖެހުނު ކުޑަ ކުއްޖަކަށް ފަރުވާ ނުލިބި 2 ގަޑިއިރަށް ވުރެ ގިނަ އިރު ވެއްޖެ

ހަނިމާދޫ އެއާޕޯޓް ތެރޭގައި ފިޓް ޖެހުނު ކުޑަ އަންހެން ކުއްޖަކަށް އެރަށުން ފަރުވާ ނުދެވި 2 ގަޑި އިރަށް ވުރެ ގިނަ އިރު ވެއްޖެ އެވެ.

އެކުއްޖާގެ އާއިލާއިން މި ނޫހަށް މައުލޫމާތު ދެމުން ބުނީ ފިޓް ޖެހުނީ މިއަދު ހެނދުނު ގާތްގަނޑަކަށް 9 ޖަހާއިރު ހަނިމާދޫ އިން މާލެ ދިއުމަށް ފްލައިޓަށް އަރާ ތިއްބަ ކަމަށާއި ވަގުތުން އެމެޖެންސީ ރޫމަށް ވައްދާ އިތުރު ފަރުވާޔަށް އެރަށު ސިއްހީ މަރުަކަޒަށް ގެންދިއުމަށް އެމްބިއުލާސައް ގުޅިކަމަށެވެ. ނަމަވެސް އެންބިއުލާންސް އައިސްފައިވަނީ ބައިގަޑި އިރަށް ވުރެ ގިނައިރު ވީފަހުން ކަމަށް އެކުއްޖާގެ އާއިލާއިން މައުލޫމާތު ދެއެވެ.

ހަނިމާދޫ ސިއްހީ މަރުކަޒުގައި ފިޓް ޖެހުމުން ޖަހާ އިންޖެކްޝަން ނެތުމުގެ ސަބަބުން އެރަށުން ފަރުވާ ނުލިބި ކުޅުދުއްފުށީ ރީޖަނަލް ހޮސްޕިޓަށް ކުއްޖާ ގެނެވުނީ މިއަދު ގާތްގަނޑަކަށް މެންދުރު 12 ޖަހާއިރު ކަމަށް މައުލޫމާތު ލިބެ އެވެ.

މިހާރު ކުއްޖާގެ ހާލު ރަގަނޅު ކަމަށާއި ނަމަވެސް އަދިވެސް އޮތީ ހޮސްޕިޓަލްގައި ކަމަށް އާއިލާއިން ބުނެއެވެ.