ފީވަކު ކޯޓުގެ ގާޒީ ބަނބުކެޔޮ ގަހަކުން ވެއްޓި ޒަހަމްވެއްޖެ

Apr 16, 2016

ށ ފީވަކު ކޯޓުގެ ގާޒީ އަބްދުއްރަޝީދު އަލީ ބަނބުކެޔޮ ގަހަކުން ވެއްޓި ވަރަށް ބޮޑަށް ޒަހަމްވެެއްޖެ އެވެ.

މި ނޫހަށް އެނގިފައިވާ ގޮތުން އަބްދުއްރަޝީދު އަލީ ޒަހަމްވެފައިވަނީ ބަނބުކެޔޮ ކަނޑަން އުޅުމުގެ ތެރޭގައި ގަހުން ވެއްޓިގެން ކަމަށެވެ. އަދި ގަހުން ވެއްޓި ފާރެއްގައި ޖެހި ކަނާއަތް ބިންދައިގެން ގޮސް އަރިކަށި މައްޗާއި މޭމަތި ވަރަށް ބޮޑަށް މަށައިގެންގޮސްފައިވާ ކަމަށް މައުލޫމާތު ލިބެއެވެ.

މިއަދު ހެނދުނު 10 ޖަހާ އެހާކަށް ހާއިރު ހިނގި މި ހާދިސާގައި ޒަހަމްވި އަބްދުއްރަޝީދު އަލީ މިއަދު މެނދުރު 1 ޖަހާއިރު ކުޅުދުއްފުށި ހޮސްޕިޓަލަށް ގެނެސް ފަރުވާ ދޭން ވަނީ ފަށާފައެވެ.

މި ކަމާ ބެހޭގޮތުން އާއިލާއިން މައުލޫމާތު ދޭން ބޭނުން ނުވާތީ އަބްދުއްރަޝީދުގެ މިހާރުގެ ހާލަތު ވަނީ އެނގޭގޮތް ނުވެފައެވެ.

މިލިޔުމާއި ގުޅޭ