އަފީފުއްދީން ސްކޫލް އިންޓަރ ހައުސް ފުޓްބޯޅަ ޗެންޕިއަންކަން މި ފަހަރުވެސް ޣާޒީ ހައުސް ހޯދައިފި

އަފީފުއްދީން ސްކޫލްގެ 12 ވަނަ އިންޓަރ ހައުސް ފުޓްބޯޅަ މުބާރާތުގެ ޗެންޕިއަންކަން މި ފަހަރުވެސް ޣާޒީ ހައުސް ހޯދައިފި އެވެ.

މި މަހު 11 ވަނަ ދުވަހު ފެށި މި މުބާރާތުގެ ފައިނަލަށް ޣާޒީ ހައުސް ދަތުރުކޮށްފައިވަނީ 6 ޕްއިންޓާއިއެކު 2 ވަނަ ޓީމުގެ ގޮތުގައެވެ. އަދި ފަރީދީ ހައުސް ދަތުުރުކޮށްފައި ވަނީ 7 ޕޮއިންޓާއެކު 1 ވަނަ ޓީމުގެ ގޮތުގަ އެވެ.

މިދިޔަ އަހަރުގެވެސް ޗެންޕިއަން ޣާޒީ ހައުސް މި މުބާރާތުގެ ތަށި މިފަހަރު ކާމިޔާބުކޮށްފައިވަނީ އިއްޔެ ކުޅުނު މެޗުގައި ފަރީދީ ހައުސް އާއި ވާދަކޮށް 9-8 މެޗް ކާމިޔާބުކޮށް ގެނެވެ.

މިދިޔަ އަަހަރުގެ އިންޓަ ހައުސް ފުޓްބޯޅާ މުބާރަތުގައި ޣާޒީ ހައުސް ޗެންޕިއަންކަން ހޯދާފައިވަނީ 0-10 އަމީނީ ހައުސް ބަލިކޮށް ގެނެވެ.