ކުޅުދުއްފުށީގައި މަތީ ތައުލީމުދޭ މަރުކަޒެއް ތަރައްްޤީކޮށް ހިންގަން ބޭނުންވާ ފަރާތެއް ހޯދަނީ

ކުރީގެ އަމީރު އަމީން ސްކޫލު ހުރި އިމާރާތުގައި މަތީ ތައުލީމްދޭ މަރުކަޒެއް ގާއިމްކުރުމަށް ބޭނުންވާ ފަރާތްތަކަށް ބިޑް ހުށަހެޅުމުގެ ފުރުސަތު ހުޅުވާލައިފި އެވެ.

ކުޅުދުއްފުށީ ކައުންސިލުން ބުނީ ކުރީގެ އަމީރު އަމީން ސްކޫލުގެ ހިންގި އިމާރާތް މަތީ ތައުލީމް ދޭ މަރުކަޒަކަށް ބަދަލުކުރުމަށް ކައުންސިލުން ނިންމާފައިވާ ކަމަށެވެ. އެގޮތުން އެސްކޫލުގެ ހިންގި އިމާާރާތުގައި މަތީ ތައުލީމް ދޭ މަރުކަޒެއް ގާއިމްކޮށް، ހިންގައިދޭނެ ފަރާތެއް ހޯދުމަށް ބީލަން ހުށަހެޅުމުގެ ފުރުސަތު ހުޅުވާލައި ކަމަށެވެ.

އެއިމާރާތް ކުއްޔަށް ދިނުމަށް ހަމަޖެހިފައިވަނީ 25 އަހަރުދުވަހަށެވެ.

ބީލަމާ ބެހޭ މައުލޫމާތު ދިނުން އޮންނާނީ އަންނަ މެއިމަހު 12 ވަނަ ދުވަހު 10:30 ގައި ކައުންސިލު އިދާރާގަ ކަމަށެވެ. އަދި ބީލަން ހުޅުވުން އޮންނާނީ މެއިމަހު 19 ވަނަ ދުވަހުގެ 10:30 އެއިދާރާގެ ޖަލްސާކުރާ މާލަމުގަ އެވެ.

މިކަމާ ބެހޭ އިތުރު މައުލޫމާތެއް ބޭނުން ނަމަ އެއިދާރާގެ 6521174 އަދި 6521170 އިން މައުލޫމާތު ލިބިވަޑައިގަންނަވާނެ ކަމަށް އެއިދާރާއިން ބުނެ އެވެ.