ފިރިހެން ކުއްޖަކާ ބެހުނުކަމުގެ ތުހުމަތުގައި ހޮސްޕިޓަލުގެ ސީނިއާ މުވައްޒަފަކު ހައްޔަރުކޮށްފި

ކުޑަ ފިރިހެން ކުއްޖާ ބެހުނުކަމުގެ ތުހުމަތުގައި ކުޅުދުއްފުށީ ރީޖަނަލް ހޮސްޕިޓަލުގެ ސީނިއާ މުވައްޒަފަކު ފުލުހުން ހައްޔަރުކޮށްފި އެވެ.

މިނޫހަށް އެނގިފައިވާ ގޮތުގައި މިމައްސަލައިގެ ތުހުމަތުގައި ހައްޔަރުކޮށްފައިވަނީ އެހޮސްޕިޓަލުގެ ސީނިއާ ފައިނޭސް އޮފިޝަލް އާދަމް އިބުރާހިމް(49) އެވެ. އޭނާ ހައްޔަރުކޮށްފައިވަނީ މިއަދު 2 ޖަހާއެހާއިރު ވަޒީފާގައި ހޮސްޕިޓަލުގެ އޮފީހުގައި އިންދަ އެވެ.

މައުލޫމާތު ލިބިފައިވާގޮތުގައި މިމައްސަލާގައި އާދަމް އިބްރާހިމް ހައްޔަރުކޮށްފައި ވަނީ 12 އަހަރުދަށުގެ ކުޑަ ފިރިހެންކުއްޖަކާއި ބެހުނު ކަމުގެ ތުހުމަތުގަ އެވެ.

ފުލުހުން ބުނީ ކުޑަ ފިރިހެން ކުއްޖަކާ ބަދުއަހުލާގީ އަމަލު ހިންގި ކަމުގެ ތުހުމަތުގައި 49 އަހަރުގެ ފިރިހެނަކު މިއަދު ކުޅުދުއްފުށިން ހައްޔަރުކޮށްފައިވާ ކަމަށެވެ.

އެހެންނަމަވެސް އެކަމާ ބެހޭ އިތުރު އެއްވެސް ތަފްސީލެއް ފުލުހުން ނުދެ އެވެ.