ފުނަދޫ ދެ މަގެއްގައި ވެހިކަލް ޕާކު ކުރުން މަނާކޮށްފި

Apr 20, 2016

ށ ފުނަދޫ ދެ މަގެއްގައި އެއްގަމު އުޅަނދު ޕާކު ކުރުން މަނާކޮށްފިއެވެ.

އުޅަނދުފަހަރު ޕާކު ކުރުން މަނާކޮށްފައި ވަނީ ފުނަދޫ ސިލްވަރލައިޓްގެއިން ފެށިގެން ހޮސްޕިޓަލުގެ އިރުމަތީކަނާ ހަމައަށެވެ. އަދި ފުނަދޫ ސްކޫލް ކުރިމަތީ މަގުން ހިނާމަގާއި ޗާނދަނީ މަގުގެ ދެމެދުގައެވެ.

އެ ދެމަގުގައި އެއްގަމުގައި ދުއްވާ އުޅަނދު ޕާކް ކުރުން މަނާކުރަމުން ފުނަދޫ ކައުންސިލުން ހޯމަ ދުވަހު ނެރުނު އިއުލާނުގައި ބުނެފައިވަނީ އެ ދެމަގުގައި ގަވާއިދާ ހިލާފަށް ޕާކު ކުރާ ފަރާތްތަކާއި މެދު ގާނޫނޫގައި ވާ ގޮތުން ފިޔަވަޅު އެޅޭނެ ކަމަށެވެ.

އެގޮތުން އެއްގަމު ދަތުރުފަތުރުގެ ގާނޫނުގެ 5/2009 ވަނަ މާއްދާއިގެ ހ ގައި ބުނެއިފައިވާ ގޮތުގެ މަތިން އެއްގަމު އުޅަނދު ޕާކު ކުރުމާއި، ޕާކިން ޒޯން ކަނޑައެޅުމާއި، ގަވާއިދާ ހިލާފަށް މަގުމަތީގައި ޕާކްކޮށްފައި ނުވަތަ ބަހައްޓާފައި ހުންނަ އެއްގަމު އުޅަންދުގައި ސްޓިކާ ޖެހުމާއި، ފުރޮޅު ތަޅު އެޅުމާއި، ޖޫރި މަނާކުރުމާއި، އެއްގަމު އުޅަންދު ނައްތާލުމުގެ ގަވައިދުގައިވާ ގޮތުން މަތިން ފިޔަވަޅު އެޅޭނެ ކަމަށް އިއުލާނުގައި ވެއެވެ.

މިލިޔުމާއި ގުޅޭ