އަފީފުއްދީން ސްކޫލްގެ ނެޓްބޯޅަ މުބާރާތުގެ ޗެމްޕިއަންކަން އަމީނީ ހައުސް ހޯދައިފި

އަފީފުއްދީން ސްކޫލްގެ 12 ވަނަ އިންޓަރ ހައުސް ނެޓް ބޯޅަ މުބާރާތުގެ ޗެމްޕިޔަންކަން “އަމީނީ” ހައުސް ހޯދައިފިއެވެ.

ދެ ޓީމުގެ ފަރާތުންވެސް މޮޅު ކުޅުމެއް ދެއްކި މި މެޗުގައި އަމީނީ ހައުސް ކާމިޔާބުކުރީ 16 ޕޮއިންޓު 7 ޕޮއިންޓުގެ ތަފާތަކުންނެވެ.

މިއަދު ހަވީރު ކުޅުނު ފައިނަލް މެޗަށްފަހު މުބާރާތުގެ ވަނަވަނައަށް ދިޔަ ކުޅުންތެރިންނަށާއި ޓީމުތަކަށް އިނާމާއި ސެޓްފިކެޓްތައް ބައްސަވައި ދެއްވީ މުބާރާތުގެ ޝަރަފުވެރި މެހެމާން ކުޅުދުއްފުށި ކެމްޕަސްގެ އެސޯސިއޭޓް ލެކްޗަރާ ފާތުމަތު މުހައްމަދު އެވެ.

މިގޮތުން އެކި މެޗުތަކުން ކުއީން އޮފް ދަ މެޗް ހޯދި ކުޅުންތެރިންނަށް ސެޓްފިކެޓް ވަނީ ދީފައެވެ. މި މުބާރާތުގެ އެންމެ މޮޅު ކުޅުންތެރިޔާގެ މަގާމު ހޯދާފައި ވަނީ އަމީނީ ހައުސްގެ އައިޝަތު އަތީފާ އަލީއެެވެ. އަދި ފައިނަލް މެޗުގެ އެންމެ މޮޅު ކުޅުންތެރިޔަކަށް ހޮވިފައި ވަނީ ގާޒީ ހައުސްގެ ސަމްހާ އަބްދުލް ސައްތާރުއެވެ.

މި މުބާރާތުގެ އެންމެ މޮޅު 7 ކުޅުންތެރިންނަށް ހޮވިފައިވަނީ ގާޒީ ހައުސް އާމިނަތު ލައުޒާއާއި ސަމްހާ އަބްދުލް ސައްތާރާއި ތިޒްކާ ޒުބައިރާއި އަމީނީ ހައުސްގެ އައިޝަތު އަތީފާ އަލީއާއި އާމިނަތު ރާޔާއަލީ ރައްޒާގާއި ސާރާ އަބްދުލް ރަހުމާން އަދި އާމިނަތު ނަޝާ ހަސަން އެވެ.

މީގެ އިތުރުން މުބާރާތުގައި އެކި ގޮތްގޮތުން އެހީތެރިވެދިން ފަރާތްތަކާއި އޮފިޝަލުން އަދި ކޯޗުންނަށް ވަނީ ހަނދާނީ ލިޔުން ހަވާލުކޮށްފައިއެވެ. އެ ފަރާތްތަކަށް ހަނދާނީ ލިޔުން ބައްސަވައި ދެއްވީ އަފީފުއްދީން ސްކޫލްގެ ޕްރިންސިޕަލް ނާސިހާ އިދުރީސް އެވެ.

މި މުބާރާތް ނިންމުމުގެ ގޮތުން ކޯޗުންނާއި އޮފިޝަލުން ހިމެނޭ ޓީމަކާއި ޓީޗަރުންގެ ޓިމަކާ ދެމެދު ހާއްސަ ނެޓުބޯޅަ މެޗެއްވެސް ކުޅެފައި ވެއެވެ.