ހދ އަތޮޅަށް ތަރައްގީ އާއި ތަމައްދުން ހޯދުމުގައި ކުރިމަތިވެފައިވާ ގޮންޖެހުންތައް ގިނަ: އަހުމަދު

Apr 25, 2016

ތައުލީމީ ގޮތުންނާއި ތަރައްްޤީ އަދި ތަމައްދުން ހޯދުމުގައި މިއަދު ހދ އަތޮޅަށް ކުރިމަތިވެފައިވާ ގޮންޖެހުންތައް ގިނަ ކަމަށް ހދ އަތޮޅު ކައުންސިލްގެ ރައީސް އަލްއުސްތާޒް އަހުމަދު އިބުރާހިމް ވިދާޅުވި ވެއްޖެ އެވެ.

އަހުމަދު މިހެން ވިދާޅުވީ އަފީފުއްދީން ސްކޫލުގެ 12 ވަނަ އަހަރީ ދުވަސް ފާހަގަކުރުމުގެ ގޮތުން މިއަދު ހެނދުނު އެސްކޫލުގެ ހޯލްގައި ބޭއްވި ހާއްސަ އެސެންބްލީ ޝަރަފްވެރިކޮށްދެއްވާ ވާހަކަ ދައްކަވަމުނެވެ.

” ތައުލީމީ ގޮތުން، ތަރައްްޤީ އާއި ތަމައްދުނު ހޯދުމަށް މިއަދު އަޅުގަނޑުމެންނަށް ( ހދ އަތޮޅަށް) ކުރިމަތިމަވެފައިވާ ގޮންޖެހުންތައް ގިނަ ކަމަށް ” އެންމެ އާބާދީ ބޮޑު އަތޮޅުގެ، އަތޮޅު ކައުންސިލްގެ ރައީސް ވިދާޅުވި އެވެ.

އަހުމަދު ވިދާޅުވީ ހދ އަތޮޅުގެ ރައްޔިތުން ސަރުކާރުގެ މަތީ މަގާމުތަކުގައި ނެތުމުން މިއަދު ހިތާމަކުރާ ކަމަށެވެ. އަދި މިކަންކަމުން އަރައިގަނެވޭނީ ސަރުކާރުގެ ޕޮލިސީ ކަނޑައަޅައި ހިސާބުގެ ވަޒީފާތަކުގައި ހދ ގެ ދަރިން ތިބެގެން ކަން ފާހަގަކުރަވަމުން އިތުރަށް އޭނާ ވިދާޅުވި ހދ ގެ ދަރިން ތައުލީމީ ދާއިރާ ނިންމުމުަށް ފަހު އެފަދަ ވަޒީފާތައް އަދާ ކުރުމަށް ނަސޭހަތެރިވެއްލެވި އެވެ.

ހދ އަތޮޅު ކައުންސިލް އަބަދުވެސް އޮންނާނީ ތައުލީމީ ދާއިރާއަށް ކައުންސިލުގެ ލަޔާގަތާއި ގާބިލިއްޔަތު ތަންދިން މިންވަރަކުން ސްކޫލުތަކަށް އެހީތެރިކަން ފޯރުކޮށްދެއްވަމުން ދާނެ ކަމަށް އޭނާ ވިދާޅުވި އެވެ. އަދި ކުޅުދުއްފުށީގައި ހުރި ސްކޫލުތަކުގެ ތެރެއިން އަފީފުއްދީން ސްކޫލަކީ ހދ އަތޮޅު ކައުންސިލާއި ގާތް ގުޅުމެއް ބާއްވަމުން އަންނަ ސްކޫލެއް ކަން އަހުމަދު ފާހަގަކުރެއްވި އެވެ.

ސްކޫލަށް 12 އަހަރު ފުރުމުގެ މުނާސަބާގައި ތައްޔާރުކުރި ހާއްސަ ކޭކު އަހުމަދު ވަނީ ފަޅުއްވައިދެއްވާފަ އެވެ.

މިލިޔުމާއި ގުޅޭ