ޒިގްޒެގް އިންޓަރ އޮފީސް ފުޓްސަލް މުބާރާތުގައި 18 ޓީމަކުން ބައިވެރިވެއްޖެ

6 ވަނަ ޒިގްޒެގް އިންޓަރ އޮފީސް ފުޓްސަލް މުބާރާތުގައި 18 ޓީމަކުން ބައިވެރިވެއްޖެ އެވެ. ވޭތުވެދިޔަ އަހަރު މި މުބާރާތުގައި ބައިވެރިވެފައިވަނީ 16 ޓީމަކުންނެވެ.

މި އަހަރުގެ މުބާރާތުގައި ބައިވެރިވެފައިވަނީ ކުޅުދުއްފުށީ ޕޮލިސް، ހދ އަތޮޅު ކައުންސިލް، ކަސްޓަމްސް، އެސްޓީއޯ، އެމްއާރްޑީސީ، އާޕޮއިންޓް، ދިރާގު، ކުޅުދުއްފުށީ ކައުންސިލް، ޓީމް އުރީދޫ، އެމްއެންޔޫ ކޭސީ، ހދ އޭއީސީ، ކުޅުދުއްފުށީ ޕޯޓް، ޖަލާލުއްދީން ސްކޫލް، ކުޅުދުއްފުށީ ރީޖަނަލް ހޮސްޕިޓަލް، އަފީފުއްދީން، ފެނަކަ، އެމްއެންޑީއެފް، އަދި ފަޔާ އިންނެވެ.

އެހެން އަހަރުތަކާ ޚިލާފަށް މި އަހަރުގެ މުބާރާތް ކުޅުދުއްފުށީ ފުޓްސަލް އެރީނާގައި ކުޅުމަށް ހަމަޖެހިފައިވާއިރު މުބާރާތް ފެށުމަށް ހަމަޖެހިފައިވަނީ މޭ މަހުގެ 7 ވަނަ ދުވަހު އެވެ.