އަތޮޅުތެރޭގައި ރައްކާތެރި ކަމާއެކު ލޭ ބެހެއްޓޭނެ އިންތިޒާމް ހަމަޖައްސަނީ

ހުރިހާ އަތޮޅެއްގައިވެސް ރައްކާތެރިކަމާއެކި ލޭ ބެހެއްޓޭނެ އިންތިޒާމް މި އަހަރު ނިމެން ވާއިރަށް ހަމަޖެއްސުމުގެ މަސައްކަތް ކުރަމުން އަންނަ ކަމަށް ހެލްތް މިނިސްޓްރީ ބުނެފި އެވެ.

އެލަސީމިއާ ކޮންޓްރޯލް ކޮށް ރައްކާ ތެރިވުމާއި ގުޅޭ ގޮތުން މޯލްޑިވްސް ތެލެސީމިއާ ސެންޓަރުން މިއަދު ސްޓެލްކޯ ސެމިނާރޫމުގައި ފެށި ވޯކްޝޮޕް ފައްޓަވާ ދެއްވާ ހެލްތް މިނިސްޓަރ އިރުތިޝާމް އާދަމް ވިދާޅުވީ މިހާތަނަށް ސިއްހީ ހިދުމަތް ފޯރުކޮށްދޭ 5 ހޮސްޕިޓަލެއްގައި ރައްކާތެރިކަމާއެކު ި އެކު ލޭ ބެހެއްޓޭނެ އިންތިޒާމެއް މިހާރު ހަމަޖެހިފައިވާ ކަމަށާއި ކުރިއަށް އޮތްތާ ތެލެސީމިއާއަށް ސްކްރީން ކުރުން ވީހާވެސް ހަރުދަނާ ކުރުމަށް މަސައްކަތް ކުރެވެމުން ދާކަމަށެވެ.

އެގޮތުން ި އަތޮޅު ތެރޭގައި ބްލަޑް ޓްރާންސްފިއުޝަންއާއި ސްކްރީނިންނާއި ބްލްޑް ޑޯނާ ކޭމްޕްތައް ހިންގާ އަތޮޅު ތަކުން އެކަން ކަން ކުރެވޭނެ އިންތިޒާމް ހަމަޖެއްސުމަށް މަސައްކަތް ކުރަމުންދާ ކަމަށް އިރުތިޝާމް ވިދާޅުވި އެވެ.

މިއަދު ފެށި ވޯކްޝޮޕްގައި ބައިވެރިންނަށް ތެލެސީމިއާ ކޭމްޕްތައް ހަދައިގެން ހިލޭ ލޭ ހޯދުމާއި އެ ރައްކާ ކުރުމާއި ގުޅޭ ގޮތުންނާއި އެފަދަ ތެލެސީމިއާއި ބެހޭ ވަރަށް ގިނަ މައުލޫމާތު ތަކެއް ދެވިގެންދާނެ ކަމަށާއި ދައުލަތުގެ ބަޖެޓުން ހަރަދުކޮށްގެން ތެލެސީމިއާ ޕޭސަންޓުންނަން ބޭނުންވާ އެންމެ ޒަމާނީ މެޝިންތައް އަތޮޅު ތަކުގައި ވެސް ގާއިމް ކުރަން ފަށާފައިވާ ކަމަށް ވެސް އިރުތިޝާމް ވިދާޅުވި އެވެ

މި ވޯކްޝްޕްގައި ކޮންމެ ރަށަކުން ސިއްހީ ދާއިރާގައި މަސައްކަތް ކުރާ ދެ މީހުނާއެކު ޖުމުލަ 41 މީހަކު ބައިވެރިވާނެ އެވެ.

ރާއްޖޭގައި 620 އަށް ވުރެ ގިނަ ތެލަސީމިއާ ޕޭޝަންޓުން ތިބި އިރު އޭގެތެރެއިން 200 އަށްވުރެ ގިނަ މީހުން ތިބީ އަތޮޅު ތެރޭގަ އެވެ. ތެލެސީމިއާ ޕޭޝަންޓުން ރަޖިސްޓްރީ ކުރެވިފައި އޮންނަން ޖެހޭ ކަމަށާއި ރަޖިސްޓާ ކުރެވުމަށްފަހު ގަވާއިދުން އެބޭސްތައް އެފަރާތްތަކަށް ލިބޭނެ އިންތިޒާމް ހަމަޖެއްސުމަށް މަސައްކަތް ކުރަމުންދާ ކަމަށާއި އެ ބޭސް ތަކަކީ ކޮންޓްލޯސް ޑްރަގްގެ ގޮތުގައި ވަކި ހާއްސަ ހާލަތެއްގައި ޕޭޝަންޓުންނަން ބޭނުންވާ ބޭހަކަށް ވާއިރު އެ ބޭސްތައް ލިބޭނެ އިންތިޒާމް ހޮސްޕިޓަލްތަކާއި ހެލްތް ސެންޓަރު ތަކުގައި ދިނުމަށް މަސައްކަތް ކުރަމުންދާ ކަމަށް ހެލްތް މިނިސްޓްރީ މައުލޫމާތު ދެއެވެ.