ރެއާލް އަދި ސިޓީ ކުޅުނު މެޗު ލަނޑެއް ނުޖެހި އެއްވަރު ވެއްޖެ

ޗެމްޕިއަންސް ލީގު ސެމީ ފައިނަލުގައި ރެއާލް މެޑްރިޑް އަދި މެންޗެސްޓަރ ސިޓީ ކުޅުނު މެޗު އެއްވެސް ޓީމަކަށް ލަނޑެއް ނުޖެހި އެއްވަރުވެެއްޖެ އެވެ.

ރޭ ސިޓީގެ އެތިހާދް ސްޓޭޑިއަމް ގައި ކުޅުނު  މި މެޗުގައި މޮޅަށް ކުޅެ ގިނަ ހަމަލާ އުފައްދާފައިވަނީ ރެއާލްއިންނެވެ. މިއީ މެންޗެސްޓަރ ސިޓީ އިން ކުޅުނު ފުރަތަމަ ސެމީއަށްވާއިރު މިއީ ރެއާލް ގެ 27 ވަނަ ސެމީ ފައިނަލެވެ.

މި ސީޒަނުގައި ޗެމްޕިއަންސް ލީގުގައި 16 ލަނޑު ޖަހާފައިވާ ކްރިސްޓިއާނޯ ރޮނާލްޑޯ ނުލައި ކުޅުނު މި މެޗުގައި ރެއާލްއިން ވަނީ ފަހު ވަގުތު ގިނަ ހަމަލާތަކެއް އުފައްދާފަ އެވެ. ނަމަވެސް ސިޓީގެ ކީޕަރ ޖޯ ހާޓް ވަނީ ހުޝިޔާރު ކަމާއެކު މި ހަމަލާތައް ދިފާއުކޮށްފަ އެވެ. މިގޮތުން ޕެޕޭ ފޮނުވާލި ހަމަލާ ފާހަގަކޮށްލެވެ އެވެ.

މިރޭ މުބާރާތުގައި ކުޅޭ މެޗުގައި ބައްދަލު ކުރާނީ އެތުލެޓިކޯ މެޑްރިޑް އާއި ބަޔާން މިއުނިކް އެވެ. މެޗު ފެށޭނީ މާލެޭ ގަޑިން 23:45 އެވެ.