ވަގަށް ނަގާފައި ހުރި ކަމަށް ބެލެވޭ ސައިކަލަކާއި ސައިކަލުތަކެއްގެ ބައިތަކެއް ހޯދައި 3 މީހަކު ހައްޔަރުކޮށްފި

Apr 27, 2016

ވަގަށް ނަގާފައިވާ ކަމަށް ބެލެވޭ ސައިކަލަކާއި ސައިކަލުތަކެއްގެ ބައިތަކެއް ހޯދައި 3 ޒުވާނަކު ފުލުހުން ހައްޔަރުކޮށްފި އެވެ.

ފުލުހުން މިއަދު ހަވީރު ކުޅުދުއްފުށިގައި ކުރިއަށްގެންދިޔަ އޮޕަރޭޝަނުގައި ވަގަށް ނަގާފައިވާ ކަމަށް ބެހޭ ސައިކަލުގެ ބައިތައް ހޯދާފައިވަނީ 2 ގެއެއް ބަލައިފާސްކުރުމަށް ފަހު އެވެ.

ފުލުހުން ބަލައިފާސްކޮށް، މިތަކެތި ނެރެފައިވަނީ ކުޅުދުއްފުށީ، ގޮނޑުމަތީގެ އިންނާއި ޖޭމުގެ އިންނެވެ. ޖޭމުގެއަކީ ފަޅުގެއެކެވެ.

ގޮނޑުމަތީގެއިން ފުލުހުން ނެރުނު ސައިކަލުތަކެއްގެ ބައިތައް ހުރީ ގޯނިތަކަކަށް އަޅާފަ އެވެ.

ކުޅުދުއްފުށި އޮންލައިނަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ އެފަރާތަށް ލިބުނު މައުލޫމާތަކާއި ގުޅިގެން ކުޅުދުއްފުށިން 2 ގެއެއް ބަލައި ފާސްކޮށް ވަގަށް ނަގާފައި ކަމަށް ބެހެވޭ ސައިކަލަކާއި ސައިކަލުތަކެއްގެ ބައިތަކެއް ހޯދައި 3 ފިރިހެނަކު ފުލުހުން ހައްޔަރުކޮށްފައިވާ ކަމަށެވެ. އަދި ސައިކަލް ހޯދައިފައިވަނީ މީހުން ދިރިނުއުޅޭ ގެއަކުން ކަމަށް ފުލުހުން ބުނެ އެވެ.

ފުލުހުން ބުނީ މިމައްސަލައިގައި ހައްޔަރުކޮށްފައިވަނީ 28 އަހަރުގެ މީހަކާއި 20 އަހަރުގެ މީހެއްގެ އިތުރުން 19 އަހަރުގެ މީހެއް ކަމަށެވެ.

މިލިޔުމާއި ގުޅޭ