އެތުލެޓިކޯ މެޑްރިޑް އިން ބަޔާން މިއުނިކުގެ މައްޗަށް ކުރިހޯދައިފި

ރޭ ޗެމްޕިއަންސް ލީގުގައި ކުޅުނު މެޗުގައި ބަޔާން މިއުނިކުގެ މައްޗަށް އެތުލެޓިކޯ މެޑްރިޑް އިން ވަނީ 1-0 އިން ކުރިހޯދައިފި އެވެ.

ރޭ ކުޅުނު މެޗުގައި އެތުލެޓިކޯއިން ލީޑު ނެގީ މެޗުގެ 11 ވަނަ މިނެޓްގައި ސައުލް ނިގުއޭޒް އެވެ. މިއީ ބަޔާންގެ ހާފް ތެރެއިން ލިބުނު ބޯޅައެއް ބަޔާންގެ 5 ކުޅުންތެރިން ކައިރިން ނެއްޓުމަށްފަހު ކާމިޔާބު ކުރި ލަނޑެކެވެ.

މި މެޗުގައި ގިނަ ވަގުތު ބޯޅަ ހިފަހައްޓައި ގިނަ ހަމަލާތައް އުފައްދާފައިވަނީ އެތުލެޓިކޯ މެޑްރިޑްއިންނެވެ. އެގޮތުން ދެވަނަ ހާފުގެ 54 ވަނަ މިނެޓްގައި އެތުލެޓިކޯ ގެ ހާފުގެ މެދުތެރެއިން ފޮނުވާލި ހަމަލާ ފާހަގަ ކޮށްލެވެ އެވެ. މި ހަމަލާ އަމާޒުވެފައި ވަނީ ގޯލުގެ މަތީ ދަނޑިއަށެވެ.

އެތުލެޓިކޯއިންވެސް ވަނީ މި މެޗުގެ 74 ވަނަ މިނެޓްގައި އުފެއްދި ނުރައްކާތެރި ކައުންޓާ އެޓޭކެއްގައި ގޯލުގެ ދަނޑިއަށް އަމާޒުކޮށް ހަމަލާއެއް ފޮނުވާލާފަ އެވެ.

އެތުލެޓިކޯއިން ޗެމްޕިއަންސް ލީގުގައި އެންމެ ފަހުން ކުޅުނު 16 މެޗުގެ ތެރެއިން 14 މެޗުގައި އެ ޓީމު ކޮޅަށް ލަނޑެއް ވަދެފައެއް ނުވެ އެވެ.

ސެމީ ފައިނަލްގެ ދެވަނަ ލެގު އޮންނާނީ މޭ މަހުގެ 5 އަދި 6 ގަ އެވެ.