މެއި މަހު ވިލާ ކޮލެޖުގައި ފަށާ ކޯސްތަކުގައި ބައިވެރިވާ ދަރިވަރުން ރަޖިސްޓްރީކުރުމުގެ ފުރުސަތު މާދަމާ ހުޅުވާލާނެ

ވިލާ ކޮލެޖު މެއި ސެމިސްޓާގައި ބައިވެރާދަރިވަރުންގެ ރެޖިސްޓްރޭޝަން މާދަމާ ވިލާ ކޮލެޖްގެ ކިޔޫ.އައި ކެމްޕަސް ހޯލުގައު ކުރިއަށްދާނެ ކަމަށް އެ ކޮލެޖުން ހާމަ ކޮށްފި އެވެ.

މިހިނގާ މެއިމަހު ވިލާ ކޮލެޖުން ފެށުމަށް ހަމަޖައްސާފައިވާ ކޯސްތަކުގައިބައިވެރިވާ ދަރިވަރުން އެކިއެކި މޮޑިއުލްތަކުގައި ރަޖިސްޓްރީކުރުމުގެ މާދަމާ ފެށޭ އިރު ރަޖިސްޓްރީކުރުން ކުރިއަށް ދާނީ 3 މެއި ވާ އަންގާރަދުވަހުގެ ނިޔަލަށެވެ.

އެގޮތުން މާދަމާ ކުރިއަށް ދާނީ މިހާރުވެސް ކޮލެޖުގައި ކިޔަވަމުންދާ ދަރިވަރުންގެ ރެޖިސްޓްރޭޝަން އެވެ. އަދި އަންގާރަދުވަހު ކުރިއަށްގެންދާނީ ވިލާ ކޮލެޖްގެ ކޯސްތަކުގައި މުޅިން އަލަށް ބައިވެރިވާ ދަރިވަރުންނެވެ. ކޯސްތަކުގައި އަލަށް ބައިވެރިވާ ދަރިވަރުން ރެޖިސްޓަރކުރުމަށްޓަކައި ވިލާ ކޮލެޖުން ދީފައިވާ ” ކޯހަށް ހޮވުނުކަމުގެ ލިޔުން ” ބޭނުންވާނެއެވެ.

ރެޖިސްޓްރޭޝަންގެ މަސައްކަތްކުރިއަށްދާނީ ހެނދުނު 10 ން ފެށިގެން ހަވީރު 4 ޖެހުމާއި ހަމައަށެވެ.

ވިލާ ކޮލެޖްގައި މިސެމެސްޓަރގައިވެސް އިނގެރޭސިވިލާތުގެ ޔުނިވަރސިޓީއެއްކަމުގައިވާ  ޔުނިވަރސިޓީ އޮފް ދަ ވެސްޓް އޮފް އިންގްލޭންޑްގެ މާސްޓަރސް ޕްރޮގްރާމްތަކާއި ބެޗްލަރސް ޑިގްރީ ޕްރޮގްރާމްތައް ފެށުމަށް ހަމަޖެހިފައިވެއެވެ.

މީގެ އިތުރުން ވިލާ ކޮލެޖުގެ އަމިއްލަ ޓީޗިންގ ، ބިޒްނަސް، ޝަރީއާ އެންޑް ލޯ، ޓުއަރިޒަމް އަދި އިންފޮރމޭޝަން ޓެކްނޮލޮޖީގެ ދާއިރާތަކުން މާސްޓަރސް އަދި ބެޗްލަރސް ޑިގްރީ، ޑިޕްލޮމާ، ޑިގްރީ ފައުންޑޭޝަން އާއި އެކިލެވެލްތަކުގެ ސެޓްފިކެޓްކޯސްތައްވެސް ޖެށުމަށް ހަމަޖެހިފައިވެއެވެ