ރަމަޟާން މަހު ބާއްވާ ކުޑަކުދިންގެ ގުރުއާން މުބާރާތުގެ ކުޅުދުއްފުށީ އޮޑިޝަން މިމަހު 5 ގައި

ޕީއެސްއެމް އިން އިންތިޒާމްކޮށްގެން މި އަަހަރު ރަމަޟާން މަހު ބާއްވާ ކުޑަކުދިންގެ ގުރުއާން ކިޔެވުމުގެ މުބާރާތުގެ އޮޑިޝަން މި މަހު 5 ން 7 ކުޅުދުއްފުށީގައި ބޭއްވުމަށް ހަމަޖެހިއްޖެ އެވެ.

ބާރަސަތޭކަ އަށްވުރެ ގިނަ ކުދިންގެ ކިޔެވުމާއިއެކު މާލޭ އޮޑިޝަން ނިންމާލުމަށް ފަހު އަތޮޅު ތެރޭގައި ފުރަތަމަ އޮޑިޝަން އޮތީ ކުޅުދުއްފުށީގަ އެވެ. ކުޅުދުއްފުށީ އޮޑިޝަނަށްފަހު ދެން އޮންނާނީ މެއި 12 އިން 14 އަށް އައްޑޫ ސިޓީ ހިތަދޫ އޮޑިޝަނެވެ.

އެއަށްފަހު ރ އުގޫފާރުގައި އަދި ލ ފޮނަދޫގައި ވެސް ވަނީ އޮޑިޝަންތައް ކުރިއަށް ގެންދިއުމަށް ހަމަޖެހިފަ އެެވެ. އޮޑިޝަންތައް އެއްކޮށް ނިމޭނީ މިމަހު 28 ގައި ފޮނަދޫގައި ބާއްވާ އޮޑިޝަނާއި އެކު އެެވެ.

އެގޮތުން އަތޮޅުތެރޭގައި މުބާރާތަށް ހޮވޭ ކުދިން މާލެ އައިސް ކިޔެވުމުގެ ބަދަލުގައި މުބާރާތުގައި ކިޔެވުމުގެ ބައި އެއަތޮޅަކުން އޮޑިޝަނަށްފަހު ރެކޯޑްކުރުމަށް ވަނީ ހަމަޖެހިފައެވެ

އޮޑިޝަންގައި ކިޔެވުމަށް އެޕްލިކޭޝަން ފޯމެއް ހުށަހަޅާކަށް ނުޖެހެއެވެ. މުބާރާތުގައި ބައިވެރިވުމަށް އޮޑިޝަންގައި ބައިވެރިވުމަށްޓަކައި ވާދަކުރާ އުމުރުފުރާއިން ބޭނުންވާ ގޮފީގެ ކިޔެވުން އޮންނަ ގަޑިއެއްގައި ފޮޓޯޖެހި ރަސްމީ ލިޔުމެއް ހިފައިގެން ދިޔުމުން އޮޑިޝަނުން ފުރުސަތު ލިބޭނެ އިންތިޒާމު ވަނީ ހަމަޖައްސާފައެވެ