އިހަވަންދޫގައި ފެތުރެމުންދިޔަ ޑެންގީހުން ވަނީ ކޮންޓްރޯލް ކުރެވިފަ

May 4, 2016

ހއ އިހަވަންދޫގައި މިދިޔަ މަހު ޑެންގީހުން ފެތުރު ނަމަވެސް މިހާރު ޑެންގީ ކޮންޓްރޯލް ކުރެވިފައިވާ ކަމަށް އިހަވަންދޫ ޕަބުލިކް ހެލްތުން މައުލޫމާތުދެ އެވެ.

ކުޅުދުއްފުށި އޮންލައިނަށް މައުލޫމާތު ދެމުން އިހަވަންދޫ ޕަބުލިކް ހެލްތުން ބުނީ މިދިޔަ މަހު އިހަވަންދޫގައި ޑެންގީހުމުގެ 9 ކޭސް ފެނިފައިވާ ކަމަށާއި އެމީހުންނަށް ފަރުވާދިނުމަށް ރަނގަޅުވުމުން ފޮނުވާލައިވާ ކަމަށެވެ.

ނަމަވެސް މިހާރު އެކަން ކޮންޓްރޯލް ކުރެވިފައިވާ ކަމަށާއި މިމަހު އަދި ޑެންގީގެ ކޭސް އެއް އައިސްފައިނުވާ ކަމަށް އިހަވަންދޫ ޕަބުލިކް ހެލްތުން މައުލޫމާތު ދެ އެވެ.

އިހަވަންދޫ ޕަބްގލިކް ހެލްތު ޔުނިޓާއި އިހަވަންދޫގެ ބައެއް ސަރުކާރު މުވައްސަސާތައް ގުޅިގެން މަދިރި އުފެދޭތަންތަން ނައްތާލުމުގެ ކެމްޕެއިނެއް ފަށާފައެވެ. އަދި ޑެންގީހުން އަލުވިކަމާއެކު ރަށުތެރޭގައި ފެތުރެމުންދާތީ އެކަމަށް ސަމާލުވުމަށް ވެސް އިހަވަންދޫ ޕަބުލިކް ހެލްތުން ވަނީ މިމަހު 1 ވަނަ ދުވަހު އިއުތިމާސްކޮށްފަ އެވެ.

އެގޮތުން އެ ކެމްޕޭނުގެ ދަށުން އިހަވަންދޫގައި ހުރި ފަޅު ގޯތިތަކުގައި މަދިރި އުފެދޭ ގޮތަށް ތަންތަންހުރިތޯ ބަލައި ފާސްކޮށް، އެފަދަ ތަންތަން ނައްތާލަފަ އެވެ. އަދި ރަށުތެރެ ފޮގްކުރުމުގެ މަސައްކަތް ވެސް ވަނީ ކޮށްފަ އެވެ.

މިލިޔުމާއި ގުޅޭ